ᥟᥨᥭᥴ ᥐᥨᥙᥱ ᥛᥣᥢᥲ ᥛᥫᥒᥰ ᥖᥭᥰ

ᥖᥦᥛᥲ ᥞᥩᥳ-ᥓᥣᥭᥰ ᥟᥫᥱ ᥓᥤᥒᥱ

ᥟᥣ ᥘᥩᥭ ᥓᥒᥱ ᥝᥣ ᥟᥣᥭ ᥞᥩᥛᥴ ᥘᥨᥒᥴ ᥑᥨᥝᥲ ᥚᥥᥒᥰ ᥚᥣᥰ

ᥖᥬᥲ ᥑᥨᥒᥰ ᥛᥫᥒᥰ ᥞᥝᥰ ᥙᥥᥳ ᥛᥣᥰ ᥛᥝᥰ ᥔᥥᥱ ᥔᥣᥱ ᥑᥭᥳ ᥘᥩᥰ

ᥟᥣ ᥘᥩᥭ ᥝᥣ ᥖᥤ ᥕᥨᥭᥱ ᥘᥤᥱ ᥝᥣ ᥛᥫᥒᥰ ᥛᥣᥝᥰ ᥘᥭᥲ ᥛᥣᥰ ᥞᥢᥴ ᥘᥛᥳ ᥑᥥᥰ ᥛᥣᥝᥰ ᥔᥬᥴ ᥔᥩᥒᥱ

ᥛᥨᥒ ᥖᥨᥭᥰ ᥝᥣᥒᥱ ᥞᥢᥴ ᥐᥩᥒᥰ ᥛᥧᥰ ᥐᥩᥒᥰ ᥞᥨᥝᥴ ᥑᥛᥰ ᥕᥝᥳ

ᥔᥛᥳ ᥕᥒᥰ ᥝᥣᥒᥱ ᥞᥢᥴ ᥛᥣᥢᥲ ᥛᥫᥒᥰ ᥖᥭᥰ ᥔᥛᥳ ᥙᥥᥳ ᥛᥣᥰ ᥔᥝᥰ ᥔᥥᥱ ᥔᥣᥱ ᥑᥭᥳ ᥘᥩᥰ

ᥟᥣ ᥘᥩᥭ ᥐᥛᥰ ᥘᥭᥳ ᥓᥒᥱ ᥝᥣ ᥔᥦᥒᥴ ᥘᥤ ᥞᥫ ᥛᥤᥰ ᥒᥝᥰ ᥑᥫᥰ ᥖᥭᥰ ᥞᥝᥰ

ᥘᥭᥲ ᥛᥣᥰ ᥔᥝᥰ ᥖᥬᥲ ᥞᥨᥛ ᥒᥝᥰ ᥔᥣᥱ ᥔᥢᥱ ᥘᥣᥱ ᥘᥩᥒᥱ ᥕᥥᥢᥱ ᥒᥥ ᥗᥧᥒᥰ ᥓᥣᥛᥱ

ᥑᥫᥰ ᥖᥭᥰ ᥞᥬᥲ ᥙᥨᥝᥰ ᥘᥭᥲ ᥞᥫ ᥓᥩᥖᥱ ᥐᥧ ᥛᥫᥒᥰ ᥛᥫᥒᥰ ᥞᥝᥳ ᥘᥩᥰ