ᥟᥣ ᥛᥥᥱ ᥘᥤᥳ ᥑᥫᥰ ᥘᥫᥴ

ᥟᥣ ᥛᥥᥱ ᥘᥤᥳ ᥐᥣᥳ ᥞᥩᥒᥱ ᥟᥣ ᥛᥥᥰ ᥘᥤᥳ ᥐᥣᥳ ᥞᥩᥒᥱ ᥘᥭᥳ ᥙᥥᥢ ᥘᥪᥛ ᥘᥤᥢ ᥟᥢ ᥕᥬᥱ ᥔᥥᥴ ᥙᥫᥢ ᥔᥧᥖᥴ ᥗᥨᥢᥲ ᥗᥤ ᥔᥣᥛᥴ ᥘᥢᥳ ᥕᥝᥳ . ᥛᥢᥰ ᥛᥤᥰ ᥘᥦᥢ ᥐᥣᥒᥲ ᥖᥣᥱ 9 0 6 , 8 6 2 ᥘᥩᥐᥴ ᥘᥐᥴ ( 2 3 4 7 7 7 6 5 ᥘᥩᥐᥴ ᥐᥤᥰ ᥘᥨᥝᥰ ᥛᥤᥰ ᥖᥣᥰ ) ᥔᥥᥴ ᥕᥝᥳ ᥖᥥᥱ ᥟᥝ ᥘᥦᥢ ᥖᥩᥢ ᥟᥣᥐ ᥖᥤᥐᥳ ᥟᥢ ᥐᥖᥴ ᥖᥤ ᥖᥣᥒᥰ ᥚᥣᥭᥴ ᥞᥩᥒᥱ ᥘᥢᥳ ᥝᥣᥖ ᥐᥣᥒᥲ ᥘᥨᥒᥰ ᥗᥪᥒᥴ ᥘᥦᥢ ᥖᥤ ᥛᥫᥒᥰ ᥟᥧᥢᥱ ᥛᥦᥐᥱ ᥔᥤᥱ ᥐᥨᥝᥱ ᥘᥢᥳ ᥕᥝᥳ . ᥛᥫᥒᥰ ᥚᥩᥛᥳ ᥞᥨᥛ ᥟᥣ ᥛᥥᥰ ᥞᥤᥳ ᥐᥣᥰ ᥖᥒᥰ ᥐᥣ ᥘᥥᥱ ᥖᥬᥱ ᥞᥨᥛ ᥙᥣᥰ ᥖᥒᥰ ᥐᥧᥢ ᥘᥛᥳ ᥕᥬᥱ ᥘᥨᥒᥴ ᥐᥣ ᥞᥤᥢᥰ ᥘᥦᥢᥰ ᥑᥝᥴ ᥘᥭᥳ ᥙᥩᥰ ᥛᥤᥰ ᥖᥣᥱ ᥔᥤᥙᥴ ᥙᥧᥢ ᥐᥝᥲ ᥙᥧᥢᥲ ᥘᥥᥴ ᥐᥣᥒᥲ ᥟᥣ ᥛᥥᥰ ᥞᥤᥳ ᥐᥣᥰ ᥞᥩᥒᥱ ᥝᥭᥳ ᥕᥧᥱ ᥕᥝᥳ .

ᥟᥣ ᥛᥥᥰ ᥞᥤᥳ ᥐᥣᥰ ᥞᥩᥒᥱ ᥘᥭᥳ ᥛᥤᥰ ᥝᥭᥳ ᥞᥨᥝᥴ ᥐᥨᥢᥰ ᥛᥩᥐ 3 0 0 ᥘᥣᥢᥳ . ᥐᥨᥢᥰ ᥓᥫᥰ ᥟᥢ ᥕᥧᥱ ᥖᥤ ᥛᥢᥰ ᥓᥥᥛ ᥙᥪᥒᥰ ᥓᥛᥰ ᥙᥥᥢ ᥑᥫᥰ ᥐᥪᥐᥴ ᥛᥫᥒᥰ ᥓᥫᥰ ᥟᥢ ᥚᥧᥱ ᥞᥣᥭᥰ ᥘᥦᥢ ᥛᥫᥒᥰ ᥕᥧᥰ ᥘᥨᥙᥳ ᥑᥝᥴ ᥛᥣᥰ ᥖᥥᥱ ᥞᥢᥴ ᥛᥫ ᥑᥝᥴ ᥘᥭᥲ ᥚᥦᥝᥴ ᥘᥢᥳ ᥕᥝᥳ . ᥟᥦᥙᥳ ᥐᥤᥱ ᥛᥣᥱ ᥑᥝᥴ , ᥟᥤᥢᥰ ᥖᥤᥰ ᥕᥢᥰ ᥟᥣ ᥛᥥᥱ ᥘᥤᥳ ᥐᥦᥢᥱ ᥞᥩᥒᥱ ᥑᥝᥴ ၊ ᥟᥤᥐᥴ ᥖᥒᥰ ᥟᥤᥢᥰ ᥖᥤᥰ ᥕᥢᥰ ᥖᥤ ᥛᥦᥐ ᥔᥤᥱ ᥐᥨᥝᥱ ᥑᥝᥴ ᥘᥬ ᥕᥝᥳ . ᥛᥫ ᥚᥩᥒᥰ ᥐᥣᥙ ᥙᥣᥢ ᥛᥫᥒᥰ ᥞᥣᥭᥰ ᥘᥢᥳ ᥘᥭᥴ ᥙᥩᥖᥴ ᥖᥩᥢᥲ ᥚᥣᥭᥱ ᥞᥩᥒᥱ ᥘᥭᥳ ᥔᥛᥳ ᥐᥛ ᥘᥛᥴ ᥘᥛᥴ ᥙᥥᥢ ᥐᥨᥢᥰ ᥘᥣᥖ ᥑᥣᥛᥰ ᥟᥤᥒᥰ ᥐᥣ ᥘᥤᥖᥳ ᥑᥝᥴ ᥛᥣᥰ ᥙᥐᥴ ᥔᥝᥰ . ᥐᥨᥢᥰ ᥘᥣᥖ ᥑᥣᥛᥰ ᥜᥣ ᥞᥦᥢᥳ ᥡᥣᥳ ᥙᥩᥰ ᥙᥣᥰ ᥟᥤᥖᥴ ᥟᥩᥖᥴ . ᥙᥩᥖᥴ ᥖᥩᥢᥲ ᥖᥣᥒᥰ ᥓᥣᥢᥰ ᥔᥛᥳ ᥙᥥᥢ ᥐᥨᥢᥰ ᥓᥨᥝᥰ ᥘᥣᥖ ᥑᥣᥛᥰ ᥔᥣ ᥙᥦᥢᥰ ᥢᥤᥖᥳ ᥛᥣᥰ ᥙᥐᥴ ᥔᥝᥰ . ᥝᥣᥭᥰ ᥛᥣᥰ ᥓᥒᥱ ᥟᥣ ᥛᥥᥱ ᥘᥤᥳ ᥐᥣᥳ ᥞᥩᥒᥱ ᥘᥭᥳ ᥙᥥᥢ ᥐᥨᥢᥰ ᥐᥧ ᥖᥤ ᥐᥧ ᥘᥦᥢ ᥘᥬᥰ ᥘᥧᥛᥲ ᥜᥣᥳ ᥑᥝᥴ ᥛᥣᥰ ᥔᥝᥰ ᥕᥧᥱ ᥕᥝᥳ . ᥓᥣᥝᥰ ᥕᥧᥛᥱ ᥕᥛ ᥘᥙᥳ ᥗᥪᥴ ᥘᥨᥒᥴ ᥔᥩᥒᥴ ᥟᥢ ᥖᥤ ᥟᥣ ᥛᥥᥱ ᥘᥤᥳ ᥐᥣᥳ ᥞᥩᥒᥱ ᥓᥛᥰ ᥙᥥᥢ ᥙᥣ ᥞᥨᥝᥱ ᥖᥦᥖᥳ ᥖᥦᥢᥳ ᥖᥤᥰ ᥔᥛᥰ ᥖᥒᥰ ᥐᥦᥖᥳ ᥖᥨᥝᥱ ᥘᥤᥐᥳ ᥟᥤᥰ ᥔᥛᥰ . ᥑᥨᥝᥰ ᥑᥩᥒᥴ ᥟᥩᥐᥱ ᥖᥤ ᥐᥣᥢ ᥓᥣᥐ ᥖᥒᥰ ᥘᥨᥒᥴ ᥘᥢᥳ ᥟᥣ ᥛᥥᥱ ᥘᥤᥳ ᥐᥣᥳ ᥞᥩᥒᥱ ᥘᥭᥳ ᥞᥥᥖᥱ ᥟᥩᥐᥱ ᥘᥭᥲ ᥘᥛᥴ ᥘᥫᥴ ᥔᥤᥱ ᥙᥢ ᥕᥥᥲ ᥙᥧᥢ ᥘᥢᥳ ᥕᥝᥳ . ᥘᥭᥳ ᥔᥥᥴ ᥟᥛᥱ ᥐᥣᥰ ᥛᥢᥰ ᥙᥣᥭ ᥙᥥᥢ ᥘᥦᥢ ᥘᥤᥢ ᥖᥤ ᥟᥢ ᥟᥩᥢ ᥘᥣᥲ ᥝᥭᥳ ᥜᥣᥭᥱ ᥚᥧᥐᥱ ᥔᥩᥛᥲ ᥘᥥᥒᥳ ᥘᥧᥴ ᥟᥢ ᥞᥥᥖᥱ ᥟᥩᥐᥱ ᥑᥝᥲ ᥑᥦᥙᥱ , ᥑᥝᥲ ᥐᥣᥙᥱ , ᥐᥧᥭ , ᥖᥒᥰ ᥖᥨᥢᥲ ᥚᥧᥐᥱ ᥖᥣᥒᥱ ᥓᥫᥰ ᥖᥒᥰ ᥘᥛᥴ ᥘᥣᥭᥴ ᥘᥬ ᥕᥝᥳ . ᥟᥣ ᥛᥥᥱ ᥘᥤᥳ ᥐᥣᥳ ᥘᥭᥳ ᥚᥣᥭᥱ ᥒᥫᥢ ᥒᥝᥲ ᥗᥣᥖ ᥞᥥ ᥘᥭᥴ ᥐᥩᥲ ᥛᥣᥐ ᥛᥤᥰ ᥖᥥᥳ ᥕᥝᥳ . ᥛᥫᥢᥴ ᥘᥒᥱ ᥗᥣᥢᥱ ᥒᥫᥐ , ᥘᥛᥳ ᥛᥥᥢ , ᥑᥛᥰ , ᥒᥪᥢᥰ , ᥘᥥᥐᥱ , ᥖᥒᥰ ᥖᥩᥒᥰ ᥘᥬ ᥕᥝᥳ . ᥟᥣ ᥛᥥᥱ ᥘᥤᥳ ᥐᥣᥳ ᥞᥩᥒᥱ ᥘᥭᥳ ᥛᥥᥱ ᥘᥦᥢ ᥛᥧᥒ ᥔᥣᥱ ᥟᥢ ᥞᥣᥒ ᥘᥤ ᥖᥤ ᥔᥧᥖᥴ ᥘᥬᥰ ᥘᥧᥛᥲ ᥜᥣᥳ ᥛᥣᥒ ᥚᥩᥒ ᥔᥥᥴ ᥕᥝᥳ , ᥛᥤᥰ ᥙᥣᥰ ᥔᥣᥭᥴ ᥔᥣᥙᥱ ᥜᥣᥒᥱ ᥙᥣᥒᥱ ᥘᥣᥭᥴ ᥟᥢ ᥕᥣᥝᥰ ᥘᥫᥴ ᥔᥥᥴ ᥘᥪᥢ ᥘᥤᥢ ᥖᥣᥒᥱ ᥟᥢ ᥘᥢᥳ ᥘᥬ ᥕᥝᥳ . ᥙᥣᥱ ᥗᥫᥢᥱ ᥔᥛᥳ ᥞᥨᥛᥱ ᥝᥭᥳ ᥛᥩᥐ ᥔᥣᥛᥴ ᥙᥧᥢ ᥕᥥᥲ ᥙᥧᥢ ᥘᥪᥛ ᥘᥤᥢ ᥔᥥᥴ ᥟᥩᥐᥱ ᥙᥢ ᥘᥛᥰ ᥖᥧᥛ ᥛᥭᥳ ᥖᥣᥱ ᥔᥤᥱ ᥙᥧᥢ ᥕᥥᥲ ᥙᥧᥢ ᥖᥒᥰ ᥘᥧᥛᥲ ᥜᥣᥳ ᥕᥝᥳ .