ᥜᥥᥖ ᥙᥧᥐ
ᥜᥥᥖᥳ ᥙᥧᥐᥳ (ᥟᥤᥒᥰ ᥐᥣ ᥘᥥᥖ: Facebook) ᥘᥭᥳ ᥙᥥᥢ ᥝᥦᥙᥳ ᥔᥣᥭᥳ ᥟᥤᥢᥱ ᥗᥣᥱ ᥢᥦᥖᥳ ᥐᥩᥒᥳ ᥔᥣᥢᥴ ᥖᥨᥒᥱ ᥝᥨᥒᥰ ᥐᥨᥢᥰ ᥟᥢ ᥖᥥᥱ ᥙᥪᥖᥱ ᥖᥣᥒᥱ ᥖᥤ ᥟᥤᥢᥱ ᥗᥣᥱ ᥢᥦᥖᥳ ᥛᥫ ᥙᥤ 2004 ᥘᥢᥳ ᥕᥝᥳ။ ᥘᥧᥛᥰ ᥒᥝᥲ ᥒᥧᥢᥰ ᥖᥥᥳ ᥛᥤᥰ ᥖᥤ ᥛᥥᥱ ᥙᥥᥱ ᥘᥨᥝᥱ၊ ᥖᥤ ᥓᥥ ᥛᥫᥒᥰ ᥐᥥᥱ ᥘᥤᥱ ᥚᥨᥝᥰ ᥘᥤᥰ ᥕᥣᥰ၊ ᥛᥫᥒᥰ ᥞᥨᥛ ᥖᥧᥛ ᥟᥣ ᥛᥥᥱ ᥘᥤᥳ ᥐᥣᥢᥱ ᥕᥝᥳ။ ᥜᥥᥖᥳ ᥙᥧᥐᥳ ᥘᥭᥳ ᥓᥫᥰ ᥙᥥᥢ ᥘᥧᥐ ᥞᥥᥢᥰ ᥓᥢᥳ ᥓᥩᥛ ᥞᥣᥰ ᥝᥦᥖᥳ ᥛᥣᥐᥳ ᥓᥐᥱ ᥐᥣᥱ ᥙᥣᥐᥳ ᥘᥦᥲ ᥟᥦᥖᥱ ᥓᥧᥱ ᥘᥨᥝᥱ ᥔᥣᥱ ᥝᥣᥱ ᥘᥤᥢᥰ၊ ᥟᥢᥱ ᥖᥣ ᥘᥨᥝᥰ ᥛᥦᥐᥱ ᥑᥨᥝᥱ ᥘᥛᥱ၊ ᥖᥖᥳ ᥓᥣ ᥖᥤᥒᥰ ᥛᥨᥝᥱ ᥓᥣ ᥐᥨᥝᥱ ᥝᥤᥖᥳ ᥘᥦᥲ ᥑᥣ ᥘᥤᥖᥳ ᥞᥧᥐᥳ ᥓᥫᥰ ᥘᥭᥳ ᥞᥨᥛ ᥐᥢ ᥔᥥᥴ ᥖᥥᥱ ᥖᥒᥲ ᥛᥣᥰ ᥕᥝᥳ။[4][5][6] ᥜᥥᥖᥳ ᥙᥧᥐᥳ ᥘᥭᥳ ᥛᥫ ᥖᥥᥱ ᥖᥒᥲ ᥛᥢᥰ ᥢᥢᥳ ᥙᥥᥢ ᥘᥣᥲ ᥘᥤᥐ ᥝᥦᥙᥳ ᥔᥣᥭᥳ ᥟᥢ ᥓᥣᥒ ᥓᥬᥳ ᥖᥤ ᥘᥬᥰ ᥓᥢᥳ ᥓᥩᥛ ᥞᥣᥰ ᥝᥦᥖᥳ ᥑᥨᥝᥴ ᥑᥨᥝᥴ ᥐᥩᥭᥰ။ ᥘᥧᥐ ᥘᥢᥳ ᥔᥥᥴ ᥐᥣᥒᥲ ᥖᥨᥝᥱ ᥗᥪᥒᥴ ᥓᥢᥳ ᥓᥩᥛ ᥖᥣᥒᥱ ᥓᥫᥰ ᥔᥥᥴ ᥗᥪᥒᥴ ᥙᥤ 2006 ᥛᥣᥰ ᥓᥒᥱ ᥙᥥᥢ ᥝᥦᥙᥳ ᥔᥣᥭᥳ ᥙᥩᥰ ᥟᥣ ᥕᥧᥳ ᥖᥥᥛ (13) ᥙᥤ ᥐᥩᥲ ᥓᥬᥳ ᥖᥪᥰ ᥘᥭᥲ ᥘᥢᥳ ᥕᥝᥳ။ ᥚᥧᥱ ᥓᥬᥳ ᥖᥪᥰ ᥑᥝᥴ ᥘᥭᥳ ᥓᥣᥒ ᥟᥝ ᥑᥨᥝᥲ ᥛᥧᥢᥰ ᥔᥧᥢᥱ ᥖᥨᥝ ᥖᥣᥒᥱ ᥘᥥᥴ ᥘᥭᥲ ᥕᥝᥳ။ ᥟᥝ ᥑᥦᥙᥴ ᥞᥣᥒ ᥟᥢ ᥘᥭᥲ ᥓᥬ ᥘᥢᥳ ᥖᥣᥒᥱ ᥑᥪᥢᥲ ᥔᥥᥴ ᥐᥩᥲ ᥚᥥᥴ ᥙᥢ ᥐᥢ ᥖᥨᥭᥰ ᥖᥒᥰ ᥐᥨᥢᥰ ᥖᥣᥒᥱ ᥓᥫᥰ ᥕᥝᥳ။ ᥓᥣᥒ ᥟᥝ ᥚᥧᥲ ᥓᥬᥳ ᥖᥪᥰ ᥖᥣᥒᥱ ᥓᥫᥰ ᥗᥦᥛᥴ ᥔᥬᥱ ᥘᥬᥰ ᥔᥥᥢᥲ ᥛᥣᥭᥴ ᥟᥨᥭᥰ ᥐᥨᥝᥳ ᥕᥝᥳ။ ᥓᥣᥒ ᥟᥝ ᥑᥨᥝᥲ ᥑᥣᥝᥱ ᥑᥨᥝᥲ ᥛᥧᥢᥰ ᥓᥫᥰ ᥘᥭᥳ ᥘᥦᥐ ᥘᥣᥭ ᥐᥢ ᥕᥝᥳ။ ᥚᥧᥱ ᥓᥬᥳ ᥖᥪᥰ ᥑᥝᥴ ᥘᥭᥳ ᥟᥤᥒ ᥘᥨᥭᥲ ᥞᥧᥒᥰ ᥞᥥᥢᥰ၊ ᥟᥤᥒ ᥘᥨᥭᥲ ᥘᥣᥲ ᥐᥣᥢ ᥓᥫᥰ ᥘᥭᥳ ᥟᥝ ᥘᥩᥒ ᥔᥨᥒᥴ ᥓᥬ ᥛᥫᥢᥴ ᥐᥢ၊ ᥟᥝ ᥖᥤ ᥑᥝᥲ ᥓᥬ ᥛᥫᥢᥴ ᥐᥢ ᥔᥥᥴ ᥐᥩᥲ ᥑᥝᥴ ᥘᥬᥰ ᥓᥧᥛᥰ ᥘᥬ ᥓᥧᥛᥰ ᥘᥢᥳ ᥘᥭᥲ ᥕᥧᥱ။ ᥘᥬᥰ ᥐᥛᥱ ᥚᥣᥱ ᥙᥖᥳ ᥙᥪᥢᥳ ᥘᥭᥳ ᥚᥧᥱ ᥓᥬᥳ ᥖᥪᥰ ᥞᥨᥝᥴ ᥘᥫᥢ ᥘᥭᥳ ᥙᥩᥰ ᥟᥝ ᥔᥥᥢᥲ ᥛᥣᥭᥴ 2018 ᥘᥫᥢ ᥓᥢᥱ ᥝᥣᥱ ᥘᥤᥱ ᥝᥣ ᥛᥤᥰ ᥐᥣᥱ 2.2 ᥙᥤᥱ ᥘᥤᥱ ᥕᥦᥢᥱ (2000 ᥘᥣᥢᥳ ᥙᥣᥭ)ᥕᥝᥳ။ ᥛᥫ ᥙᥤ 2012 ᥘᥫᥢ ᥜᥦᥙᥱ ᥝᥣᥱ ᥘᥤᥱ ᥘᥢᥳ ᥙᥥᥢ ᥙᥩᥐ ᥟᥩᥢ ᥖᥣᥒᥰ ᥔᥧᥖᥰ ᥟᥝ ᥔᥣ ᥖᥩᥐᥳ ᥔᥥᥱ ᥕᥣᥱ ᥟᥩᥐᥱ ᥑᥣᥭᥴ ᥚᥣᥭᥱ ᥘᥩᥐ ᥞᥪᥒᥴ ᥖᥣᥱ 3 ᥘᥫᥢ ᥕᥝᥳ။ ᥜᥥᥖᥳ ᥙᥧᥐᥳ ᥘᥭᥳ ᥙᥥᥢ ᥛᥣᥰ ᥞᥨᥒᥰ ᥐᥣᥢ ᥑᥩᥛᥱ ᥙᥢᥱ ᥘᥤᥱ ᥟᥢ ᥑᥪᥢᥲ ᥕᥬᥱ ᥛᥣᥰ ᥚᥬᥰ ᥚᥬᥰ ᥘᥢᥳ ᥕᥝᥳ။