ᥛᥣᥐᥱ ᥝᥣᥝᥰ
ᥛᥣᥐᥱ ᥝᥣᥝᥰ ᥘᥭᥳ ᥙᥨᥝᥰ ᥟᥝ ᥑᥣᥛᥰ ᥘᥬᥰ ᥛᥣᥢᥲ ᥝᥣ Quince ᥘᥭᥴ ᥔᥥᥴ ᥙᥩᥰ ᥟᥝ ᥓᥪ ᥖᥨᥢᥲ ᥑᥫᥰ ᥝᥣ Cydonia oblonga ᥘᥭᥴ ᥕᥝᥳ. ᥓᥣᥱ ᥖᥤ ᥟᥩᥒᥲ ᥖᥤ ᥛᥣᥐᥱ ᥝᥣᥝᥰ ᥘᥭᥳ ᥙᥥᥢ ᥖᥤ ᥐᥧᥢ ᥕᥧᥰ ᥘᥨᥙᥳ ᥟᥢ ᥛᥤᥰ ᥓᥥᥒᥱ ᥖᥨᥐᥱ ᥙᥩᥖᥴ ᥓᥣᥢᥰ ᥐᥧᥢ ᥟᥥᥰ ᥡᥣᥰ ᥟᥢ ᥛᥤᥰ ᥜᥤᥒᥲ ᥜᥣᥳ ᥟᥧᥢᥱ ᥘᥢᥳ ᥕᥝᥳ. ᥖᥨᥢᥲ ᥛᥢᥰ ᥘᥭᥳ ᥙᥥᥢ ᥖᥨᥢᥲ ᥟᥩᥢᥱ ᥔᥥᥴ ᥟᥤᥒ ᥘᥨᥭᥲ ᥕᥣᥱ ᥔᥤᥱ ᥜᥤᥒᥲ ᥜᥣᥳ ᥔᥥᥴ ᥛᥬ ᥛᥢᥰ ᥛᥨᥝᥴ ᥞᥨᥒᥲ ᥕᥧᥱ ᥘᥒᥱ ᥐᥝᥱ. ᥖᥨᥢᥲ ᥛᥢᥰ ᥘᥭᥳ ᥖᥣᥒᥰ ᥔᥧᥒᥴ ᥛᥢᥰ ᥐᥭᥳ ᥛᥤᥰ ᥛᥩᥐ 5 ᥛᥤᥱ ᥖᥣᥱ ᥖᥨᥝᥱ 8 ᥛᥤᥱ ᥖᥣᥱ ᥘᥭᥳ ᥔᥥᥴ ᥖᥣᥒᥰ ᥐᥣᥒ ᥛᥢᥰ ᥐᥭᥳ ᥛᥤᥰ ᥛᥩᥐ 4 ᥛᥤᥱ ᥖᥣᥱ ᥖᥪᥱ 6 ᥛᥤᥱ ᥖᥣᥱ ᥕᥝᥳ။ ᥛᥣᥐᥱ ᥛᥢᥰ ᥖᥥᥳ ᥛᥫᥢᥴ ᥛᥣᥐᥱ ᥐᥦᥛ ᥑᥩᥒᥱ ᥚᥤᥢᥳ ᥐᥨᥝᥰ ᥘᥦᥲ ᥛᥣᥐᥱ ᥐᥨᥝᥱ ᥓᥫᥰ ᥘᥭᥳ ᥕᥝᥳ.
ᥙᥩᥰ ᥝᥣ ᥛᥣᥐᥱ ᥛᥢᥰ ᥔᥧᥐᥴ ᥟᥫᥳ ᥛᥣᥰ ᥕᥝᥳ ᥘᥭᥴ ᥙᥥᥢ ᥛᥣᥰ ᥟᥣ ᥕᥩᥒᥱ ᥘᥫᥒᥴ ᥞᥫ ᥞᥫ ᥕᥝᥳ. ᥛᥣᥐᥱ ᥛᥢᥰ ᥘᥭᥳ ᥖᥨᥝᥱ ᥗᥪᥒᥴ ᥛᥢᥰ ᥔᥧᥐᥴ ᥟᥫᥳ ᥛᥣᥰ ᥘᥭᥳ ᥐᥭᥳ ᥕᥣᥝᥰ ᥛᥩᥐ 7 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥖᥨᥝᥱ 12 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥔᥥᥴ ᥖᥣᥒᥰ ᥐᥣᥒ ᥛᥢᥰ ᥐᥭᥳ ᥛᥤᥰ ᥛᥩᥐ 6 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥖᥨᥝᥱ 9 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥕᥝᥳ။
ᥛᥫᥲ ᥛᥣᥐᥱ ᥛᥢᥰ ᥙᥭᥱ ᥔᥧᥐᥴ ᥘᥢᥳ ᥙᥥᥢᥴ ᥟᥣ ᥕᥩᥒᥱ ᥑᥥᥝᥴ ᥝᥭᥳ ᥔᥥᥴ ᥛᥤᥰ ᥑᥨᥢᥴ ᥟᥣ ᥕᥩᥒᥱ ᥐᥩᥢᥰ ᥜᥭᥰ ᥟᥢ ᥘᥣᥛᥰ ᥚᥣᥭᥱ ᥚᥫᥐᥱ ᥝᥭᥳ ᥘᥢᥳ ᥕᥝᥳ။ ᥙᥩᥰ ᥝᥣ ᥝᥣᥭᥰ ᥑᥣᥝᥰ ᥐᥖᥴ ᥕᥝᥳ ᥘᥭᥴ ᥛᥣᥐᥱ ᥛᥢᥰ ᥖᥥᥴ ᥐᥥᥱ ᥛᥣᥰ ᥔᥥᥴ ᥑᥨᥢᥴ ᥛᥢᥰ ᥐᥩᥲ ᥟᥛᥱ ᥛᥤᥰ ᥕᥝᥳ၊ ᥔᥤᥴ ᥛᥣᥐᥱ ᥛᥢᥰ ᥐᥩᥲ ᥘᥦᥐ ᥘᥣᥭ ᥙᥥᥢ ᥟᥣ ᥕᥩᥒᥱ ᥘᥫᥒᥴ ᥛᥣᥰ ᥔᥥᥴ ᥐᥦᥢᥱ ᥛᥣᥰ ᥕᥝᥳ။ ᥛᥤᥰ ᥘᥫᥳ ᥟᥢ ᥘᥭᥲ ᥔᥦᥝᥴ ᥞᥩᥛᥴ။ ᥛᥬ ᥛᥢᥰ ᥖᥥᥳ ᥙᥥᥢ ᥟᥣ ᥕᥩᥒᥱ ᥑᥥᥝᥴ ᥔᥥᥴ ᥖᥣᥒᥰ ᥕᥣᥝᥰ ᥛᥢᥰ ᥛᥤᥰ 6 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥖᥨᥝᥱ 11 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥕᥝᥳ။ ᥖᥤ ᥛᥬ ᥛᥢᥰ ᥘᥢᥳ ᥐᥩᥲ ᥛᥤᥰ ᥑᥨᥢᥴ ᥘᥧᥛᥱ ᥟᥩᥢᥱ ᥔᥥᥴ ᥘᥒᥱ ᥐᥝᥱ။
ᥙᥩᥰ ᥗᥪᥒᥴ ᥞᥨᥝᥴ ᥑᥣᥝᥰ ᥛᥭᥲ ᥛᥣᥰ ᥛᥬ ᥘᥧᥛ ᥛᥢᥰ ᥟᥩᥐᥱ ᥛᥣᥰ ᥔᥥᥴ ᥛᥩᥐᥱ ᥟᥣ ᥕᥩᥒᥱ ᥚᥫᥐᥱ (ᥟᥛᥱ ᥘᥢᥴ) ᥛᥩᥐᥱ ᥟᥣ ᥕᥩᥒᥱ ᥑᥩᥒᥱ ᥟᥩᥢᥱ ᥐᥤ ᥛᥣᥰ ᥕᥝᥳ။ ᥘᥨᥒᥱ ᥛᥩᥐᥱ ᥛᥢᥰ ᥘᥭᥳ ᥙᥣᥰ ᥐᥤᥙᥱ ᥛᥢᥰ 5 ᥟᥢᥴ ᥔᥥᥴ ᥖᥣᥒᥰ ᥐᥣᥒ ᥛᥢᥰ ᥛᥤᥰ 5 ᥔᥤᥢᥱ ᥖᥤᥱ ᥛᥤᥱ ᥖᥣᥱ ᥕᥝᥳ။
ᥛᥢᥰ ᥙᥥᥢ ᥖᥨᥢᥲ ᥐᥤᥢ ᥛᥣᥐᥱ ᥕᥝᥳ။ ᥟᥢ ᥙᥥᥢ ᥓᥪᥳ ᥚᥥᥴ ᥓᥪᥳ ᥚᥢᥰ ᥛᥣᥐᥱ ᥝᥣᥢᥰ Cydonia ᥟᥢᥴ ᥓᥣᥱ ᥖᥤ ᥛᥢᥰ ᥙᥥᥢ ᥖᥤ ᥛᥫᥒᥰ ᥑᥥᥱ Chinese Quince (Pseudocydonia sinensis) ᥘᥦᥲ ᥓᥫᥰ ᥙᥥᥢ ᥓᥣᥱ ᥖᥤ ᥙᥩᥖᥴ ᥟᥩᥐᥱ ᥐᥧᥢ ᥟᥥᥰ ᥡᥣᥰ ᥘᥭᥳ ᥙᥥᥢ ᥖᥨᥢᥲ ᥟᥢ ᥛᥩᥐᥱ ᥔᥣᥛᥴ ᥖᥨᥢᥲ ᥕᥝᥳ။
ᥘᥬᥰ ᥐᥛᥱ ᥚᥣᥱ ᥘᥭᥳ ᥛᥫᥒᥰ ᥖᥫᥱ ᥐᥤᥱ ᥘᥭᥳ ᥙᥥᥢ ᥛᥫᥒᥰ ᥟᥢ ᥟᥩᥐᥱ ᥛᥣᥐᥱ ᥝᥣᥝᥰ 4 ᥙᥧᥢ 1 ᥙᥧᥢ ᥕᥝᥳ၊ ᥙᥥᥢ ᥛᥫᥒᥰ ᥟᥢ ᥞᥥᥖᥱ ᥟᥩᥐᥱ ᥘᥭᥲ ᥛᥣᥐᥱ ᥝᥣᥝᥰ ᥘᥛᥴ ᥔᥥᥴ ᥙᥫᥢ ᥕᥝᥳ။ ᥖᥨᥢᥲ ᥛᥣᥐᥱ ᥝᥣᥝᥰ ᥘᥭᥳ ᥕᥒᥰ ᥛᥢᥰ ᥘᥛᥳ ᥐᥖᥳ ᥑᥣᥛᥱ ᥘᥭᥲ ᥖᥤ ᥘᥣᥲ ᥘᥤᥢ ᥟᥢ ᥘᥛᥳ ᥑᥦᥒᥴ ᥔᥥᥴ ᥛᥩᥐᥱ ᥛᥢᥰ ᥘᥭᥳ ᥐᥩᥲ ᥓᥣᥒ ᥐᥤ ᥘᥭᥲ ᥖᥤ ᥟᥢ ᥖᥣᥒᥳ ᥐᥖᥴ ᥛᥤᥰ ᥚᥣᥭᥱ ᥖᥬᥲ 7 ᥖᥤᥱ ᥐᥣ ᥘᥤᥱ ᥘᥢᥳ ᥕᥝᥳ။
ᥖᥨᥢᥲ ᥛᥢᥰ ᥘᥭᥳ ᥓᥣᥒ ᥘᥧᥐ ᥖᥤ ᥞᥨᥭᥱ ᥛᥢᥰ ᥔᥥᥴ ᥑᥪᥢᥰ ᥔᥪᥙᥱ ᥚᥥ ᥘᥭᥲ ᥗᥦᥢᥲ ᥕᥧᥱ။ ᥓᥣᥒ ᥟᥝ ᥐᥤᥒᥱ ᥛᥢᥰ ᥓᥙᥰᥴ ᥐᥢ ᥔᥥᥴ ᥐᥩᥲ ᥔᥪᥙᥱ ᥚᥥ ᥘᥭᥲ ᥕᥧᥱ။ ᥙᥩᥰ ᥝᥣ ᥛᥣᥐᥱ ᥛᥢᥰ ᥔᥧᥐᥴ ᥟᥫᥳ ᥛᥣᥰ ᥕᥝᥳ ᥘᥭᥴ ᥘᥫᥳ ᥛᥢᥰ ᥘᥭᥳ ᥟᥨᥢᥲ ᥛᥣᥰ ᥘᥦᥲ ᥛᥣᥐᥱ ᥛᥢᥰ ᥘᥭᥳ ᥗᥧᥐᥴ ᥘᥤ ᥙᥤᥖᥴ ᥐᥤᥢ ᥛᥫ ᥘᥛᥳ ᥘᥣᥭᥰ ᥙᥭᥱ ᥖᥨᥐᥰ ᥛᥫᥲ ᥜᥤᥒᥲ ᥜᥣᥳ ᥕᥣᥱ ᥔᥤᥱ ᥖᥪᥐᥳ ᥟᥧᥢᥱ ᥕᥧᥱ ᥘᥢᥳ ᥖᥥᥳ ᥙᥥᥢ ᥟᥢ ᥘᥤ ᥔᥥᥴ ᥙᥫᥢ ᥕᥝᥳ။ ᥘᥫᥳ ᥛᥣᥐᥱ ᥝᥣᥝᥰ ᥘᥭᥳ ᥐᥛᥳ ᥙᥣᥲ ᥘᥛᥴ ᥖᥥᥳ ᥛᥢᥰ ᥑᥦᥒᥴ ᥝᥭᥳ ᥔᥥᥴ ᥐᥭᥳ ᥟᥩᥢ ᥐᥢ ᥞᥥᥖᥱ ᥐᥤᥢ ᥛᥣᥐᥱ ᥛᥭᥳ ᥕᥦᥛᥲ ᥘᥢᥳ ᥕᥝᥳ။
ᥙᥩᥰ ᥝᥣ ᥟᥝ ᥛᥣᥐᥱ ᥝᥣᥝᥰ ᥘᥭᥳ ᥖᥨᥛᥲ ᥑᥣᥝᥰ ᥕᥣᥛᥰ ᥞᥪᥒᥴ ᥟᥤᥖᥴ ᥘᥫᥒ ᥘᥭᥴ ᥟᥣ ᥕᥩᥒᥱ ᥛᥢᥰ ᥕᥥᥢᥰ ᥙᥥᥢ ᥟᥣ ᥕᥩᥒᥱ ᥘᥦᥒᥴ ᥐᥣᥱ ᥕᥝᥳ။
ᥖᥤ ᥘᥬᥰ ᥛᥫᥒᥰ ᥛᥦᥢᥱ ᥛᥣᥱ (ᥛᥫᥒᥰ ᥛᥣᥢ) ᥘᥭᥳ ᥖᥥᥳ ᥐᥭᥳ ᥟᥩᥐᥱ ᥖᥤ ᥛᥫᥒᥰ ᥘᥩᥭ ᥟᥢ ᥛᥤᥰ ᥜᥤᥒᥲ ᥜᥣᥳ ᥐᥖᥴ ᥘᥢᥳ ᥕᥝᥳ။ ᥙᥨᥝᥰ ᥟᥝ ᥖᥤ ᥛᥫᥒᥰ ᥖᥭᥰ ᥞᥝᥰ ᥝᥣ ᥖᥥᥳ ᥖᥤ ᥓᥥ ᥝᥥᥒᥰ ᥐᥨᥖᥳ ᥑᥣᥭᥴ ᥘᥭᥳ ᥛᥣᥐᥱ ᥝᥣᥝᥰ ᥟᥩᥐᥱ ᥘᥛᥴ ᥖᥥᥳ ᥕᥝᥳ။ ᥛᥣᥐᥱ ᥝᥣᥝᥰ ᥘᥭᥳ ᥛᥣᥒ ᥓᥫᥰ ᥐᥩᥲ ᥐᥭᥳ ᥖᥛ ᥘᥨᥝᥰ ᥑᥤᥒᥴ ᥛᥣᥐᥱ ᥚᥥᥖᥱ ᥔᥥᥴ ᥐᥩᥲ ᥐᥤᥢ၊ ᥛᥣᥒ ᥓᥫᥰ ᥔᥛᥳ ᥐᥭᥳ ᥟᥝ ᥘᥨᥞᥰ ᥚᥩᥒᥴ ᥛᥣᥐᥱ ᥚᥥᥖᥱ၊ ᥘᥛᥳ ᥙᥣ ᥓᥣ ᥐᥣᥱ ᥓᥫᥰ ᥘᥭᥳ ᥔᥥᥴ ᥞᥥᥖᥱ ᥔᥨᥛᥲ၊ ᥞᥥᥖᥱ ᥕᥦᥢᥲ ᥔᥥᥴ ᥐᥤᥢ ᥕᥝᥳ။ ᥛᥣᥒ ᥓᥫᥰ ᥖᥥᥳ ᥐᥩᥲ ᥟᥝ ᥛᥣᥐᥱ ᥝᥣᥝᥰ ᥘᥭᥳ ᥖᥣᥐᥱ ᥞᥦᥒᥲ ᥞᥦᥒᥲ ᥔᥥᥴ ᥙᥣᥭ ᥑᥪᥢᥰ ᥟᥝ ᥓᥥ ᥘᥨᥝᥰ ᥛᥣᥐᥱ ᥚᥥᥖᥱ ᥑᥥᥝᥴ၊ ᥔᥥᥴ ᥞᥥᥖᥱ ᥘᥛᥳ ᥚᥐᥴ ᥔᥨᥛᥲ ᥚᥥᥖᥱ ᥐᥤᥢ ᥕᥝᥳ။