ᥙᥦᥒᥱ ᥕᥣᥱ ᥞᥥᥖᥱ ᥛᥥᥲ ᥛᥫ ᥐᥩᥢᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ
ᥙᥦᥒᥱ ᥕᥣᥱ ᥞᥥᥖᥱ ᥛᥥᥲ ᥛᥫ ᥐᥩᥢᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ ᥟᥢ ᥑᥣᥛᥰ ᥖᥭᥰ ᥝᥣ "ᥛᥨᥝᥲ ᥖᥩᥛᥱ" ᥙᥥᥢ ᥙᥦᥒᥱ ᥕᥣᥱ ᥑᥨᥢᥳ ᥗᥩᥐ ᥛᥫ ᥟᥩᥢ ᥖᥣᥒᥰ 4 ᥞᥥᥒᥴ ᥙᥣᥭ ᥙᥤ ᥘᥢᥳ ᥟᥢ ᥛᥤᥰ ᥓᥣ ᥞᥥᥖᥱ ᥛᥢᥰ ᥟᥝ ᥐᥩᥒ ᥜᥭᥰ ᥚᥝᥴ ᥓᥩᥖᥱ ᥘᥢᥳ,ᥐᥣᥙ ᥛᥣᥢᥲ ᥙᥣᥢ ᥛᥫᥒᥰ ᥙᥦᥒᥱ ᥕᥣᥱ ᥕᥧᥱ ᥛᥫᥒᥰ ᥑᥩᥢᥴ,ᥟᥪᥒᥱ ᥖᥬᥲ ᥑᥨᥒᥰ ᥐᥨᥢᥰ ᥓᥫᥰ ᥛᥨᥝᥴ ᥞᥥᥖᥱ ᥙᥦᥒᥱ ᥕᥣᥱ ᥛᥨᥝᥲ ᥖᥩᥛᥱ ᥘᥢᥳ ᥘᥤ ᥘᥣᥲ ᥘᥤ ᥟᥥᥱ ᥐᥣᥱ,ᥐᥨᥢᥰ ᥗᥝᥲ ᥘᥬᥰ ᥛᥣᥢᥲ ᥑᥣᥒᥴ ᥔᥦᥢ ᥐᥣᥒ ᥔᥦᥢ ᥟᥢ ᥘᥭᥲ ᥓᥪ ᥕᥥᥲ ᥙᥣᥢᥰ,ᥕᥨᥝᥲ ᥛᥧᥒᥱ ᥗᥩᥢᥰ ᥑᥝᥴ ᥓᥫᥰ ᥘᥭᥳ ᥘᥣᥭᥴ ᥐᥨᥝᥳ ᥓᥝᥱ ᥙᥥᥢ ᥐᥨᥢᥰ ᥛᥨᥝᥴ ᥙᥦᥒᥱ ᥕᥣᥱ ᥛᥨᥝᥲ ᥖᥩᥛᥱ ᥘᥢᥳ ᥞᥝᥳ.ᥙᥥᥢ ᥛᥨᥝᥲ ᥖᥩᥛᥱ ᥟᥦᥛᥱ ᥟᥢ ᥙᥥᥢ ᥘᥩᥢᥳ ᥘᥤᥐ ᥟᥣ ᥛᥥᥝᥰ ᥖᥭᥰ ᥟᥢ ᥞᥣᥒ ᥘᥤ ᥞᥣᥒ ᥒᥣᥛᥰ ᥘᥢᥳ ᥛᥣᥰ ᥕᥝᥳ.