ᥙᥣᥭᥰ ᥙᥪᥢᥰ
ᥙᥪᥢᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥙᥪᥢᥰ ᥟᥢ ᥝᥣ ᥘᥭᥳ ᥙᥥᥢ ᥙᥣᥭᥰ ᥟᥢ ᥘᥥᥙ ᥞᥥᥢᥰ ᥑᥪᥢᥰ ᥘᥩᥒ ᥝᥢᥰ ᥘᥒᥴ ᥐᥨᥢᥰ၊ ᥛᥣᥢᥲ ᥛᥫᥒᥰ၊ ᥓᥫᥳ ᥑᥫᥰ၊ ᥚᥤᥒᥲ ᥒᥥ ... ᥓᥫᥰ ᥟᥢ ᥘᥭᥲ ᥙᥥᥢ ᥙᥨᥢᥳ ᥛᥣᥰ ᥘᥢᥳ ᥕᥝᥳ။ ᥝᥣᥭᥰ ᥔᥥᥴ ᥛᥤᥰ ᥛᥣᥰᥘᥤᥐ ᥘᥣᥭᥰ ᥕᥝᥳ ᥙᥪᥢᥰ ᥘᥭᥳ ᥐᥩᥲ ᥙᥥᥢ ᥛᥣᥰ ᥛᥤᥰ ᥛᥣᥰ ᥘᥭᥴ ᥐᥩᥲ ᥝᥣ ᥘᥭᥲ ᥕᥧᥱ။ ᥐᥨᥝᥳ ᥟᥢ ᥖᥦᥛᥲ ᥙᥪᥢᥰ ᥘᥢᥳ ᥞᥩᥒᥳ ᥝᥣ ᥚᥧᥱ ᥘᥨᥒᥳ ᥙᥪᥢᥰ ᥘᥭᥴ ᥕᥧᥱ။ ᥙᥪᥢᥰ ᥟᥢ ᥝᥣ ᥘᥭᥳ ᥙᥥᥢ ᥖᥣᥒᥰ ᥛᥨᥝᥴ ᥙᥫᥒ ᥘᥫᥒ ᥟᥢ ᥑᥪᥢᥰ ᥓᥩᥙᥱ ᥞᥣᥴ ᥖᥨᥭᥰ ᥘᥩᥒ ᥖᥣᥒᥰ ᥟᥢ ᥙᥥᥢ ᥙᥨᥢᥳ ᥛᥣᥰ ᥓᥫᥰ ᥘᥢᥳ ᥔᥥᥴ ᥟᥛᥱ ᥐᥣᥰ ᥑᥪᥢᥰ ᥛᥣᥰ ᥗᥖᥴ ᥖᥨᥭᥰ ᥑᥣᥛᥰ ᥐᥢ ᥐᥩᥭᥰ ᥞᥬᥲ ᥙᥨᥝᥰ ᥞᥧᥳ ᥗᥪᥒᥴ ᥘᥩᥒ ᥙᥥᥢ ᥛᥣᥰ ᥟᥢ ᥖᥥᥳ ᥛᥢᥰ ᥘᥢᥳ ᥕᥝᥳ။[1]
ᥚᥧᥱ ᥘᥨᥒᥳ ᥙᥪᥢᥰ ᥑᥝᥴ ᥘᥭᥳ ᥐᥭᥳ ᥘᥥᥱ ᥗᥥᥒᥴ ᥐᥢ ᥘᥩᥒ ᥔᥣ ᥚᥨᥝᥰ ᥔᥣ ᥚᥣᥱ ᥝᥣᥳ ᥙᥪᥢᥰ ᥘᥦᥲ ᥘᥩᥒ ᥑᥝᥲ ᥖᥣᥒᥰ ᥖᥪᥰ ᥙᥪᥢᥰ ᥘᥩᥒ ᥘᥛᥱ ᥘᥩᥒ ᥙᥪᥢᥰ ᥘᥢᥳ ᥕᥧᥱ။ ᥙᥪᥢᥰ ᥟᥢ ᥝᥣ ᥘᥢᥳ ᥙᥥᥢ ᥘᥤᥐ ᥘᥣᥭᥰ ᥟᥢ ᥖᥦᥛᥲ ᥛᥣᥭᥴ ᥝᥭᥳ ᥘᥩᥒ ᥖᥣᥒᥰ ᥔᥥᥴ ᥙᥫᥒ ᥙᥫᥒ ᥞᥬᥲ ᥙᥨᥝᥰ ᥘᥤ ᥛᥣᥭᥴ ᥖᥩᥒᥰ ᥞᥧᥳ ᥝᥭᥳ ᥘᥢᥳ ᥕᥝᥳ။ ᥘᥤᥐ ᥘᥩᥭ ᥘᥦ ᥔᥒᥴ ᥘᥤᥐ ᥘᥣᥒᥱ ᥐᥣᥱ ᥘᥦᥲ ᥔᥒᥴ ᥟᥢ ᥖᥦᥛᥲ ᥝᥭᥳ ᥘᥩᥒ ᥚᥣᥰ ᥘᥣᥰ၊ ᥗᥣᥖ၊ ᥐᥩᥒᥰ ᥛᥧᥰ၊ ᥗᥛᥲ၊ ᥝᥖ၊ ᥐᥨᥢᥰ၊ ᥛᥣᥢᥲ ᥛᥫᥒᥰ ᥓᥫᥰ ᥘᥢᥳ ᥞᥩᥒᥳ ᥝᥣ ᥘᥤᥐ ᥙᥪᥢᥰ ᥘᥭᥴ ᥕᥧᥱ။ ᥐᥛᥳ ᥚᥩᥒ ᥐᥩᥲ ᥝᥣ ᥙᥪᥢᥰ ᥘᥭᥳ ᥛᥢᥰ ᥖᥦᥛᥲ ᥝᥭᥳ ᥘᥩᥒ ᥟᥣ ᥔᥫᥐ ᥟᥣ ᥙᥧᥛᥱ ᥐᥩᥲ ᥙᥣᥰ ᥘᥩᥒ ᥛᥣᥢᥲ ᥛᥫᥒᥰ ᥐᥩᥲ ᥙᥣᥰ ᥘᥦᥲ ᥓᥒᥱ ᥞᥩᥒᥳ ᥝᥣ ᥔᥫᥐ ᥛᥫᥒᥰ ᥘᥭᥴ ᥐᥩᥲ ᥝᥣ။ ᥘᥬᥰ ᥘᥤᥐ ᥘᥩᥭ ᥓᥫᥰ ᥘᥢᥳ ᥘᥦ ᥔᥒᥴ၊ ᥘᥬᥰ ᥘᥤᥐ ᥘᥒᥱ ᥐᥣᥱ ᥘᥨᥒᥴ ᥓᥫᥰ ᥘᥢᥳ ᥘᥦ ᥔᥒᥴ ᥘᥬᥰ ᥘᥤᥐ ᥛᥣᥭᥴ ᥔᥐ ᥐᥤᥖ ᥓᥦᥢᥱ ᥓᥫᥰ ᥘᥢᥳ ᥘᥦ ᥔᥒᥴ ᥐᥭᥳ ᥘᥥᥱ ᥞᥢᥴ ᥐᥨᥢᥰ ᥐᥧᥲ ᥙᥩᥐ ᥑᥝᥴ ᥖᥦᥛᥲ ᥛᥣᥭᥴ ᥝᥭᥳ ᥘᥩᥒ ᥙᥪᥢᥰ ᥕᥧᥱ။ ᥘᥤᥐ ᥘᥒᥱ ᥐᥣᥱ ᥙᥪᥢᥰ ᥟᥢ ᥚᥧᥢᥴ ᥕᥬᥱ ᥔᥥᥴ ᥙᥫᥢ ᥘᥢᥳ ᥖᥥᥳ ᥙᥥᥢ ᥘᥤᥐ "ᥛᥒᥰ ᥓᥦᥢᥱ" ᥘᥢᥳ ᥕᥝᥳ။ ᥛᥫᥢᥴ ᥚᥦᥒᥱ ᥘᥒᥱ ᥘᥬᥰ ᥘᥤᥐᥳ ᥗᥛᥰ ᥖᥣᥰ ᥘᥣᥰ ᥓᥤ ᥘᥖ ᥗᥙ ᥐᥣᥱ ᥔᥣ ᥘᥤᥱ ᥟᥢ ᥓᥝᥲ ᥘᥨᥝᥱ ᥑᥛᥰ ᥖᥦᥛᥲ ᥘᥢᥳ ᥛᥣᥒ ᥖᥤ ᥛᥣᥒ ᥖᥩᥢᥲ ᥕᥒᥰ ᥐᥩᥭᥰ ᥖᥦᥛᥲ ᥙᥣᥰ ᥘᥩᥒ ᥙᥪᥢᥰ ᥘᥩᥒ ᥛᥫᥒᥰ ᥓᥫᥰ ᥘᥢᥳ ᥕᥧᥱ။
ᥙᥫᥢ ᥟᥤᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]- ↑ မြန်မာ့စွယ်စုံကျမ်း၊ အတွဲ (၁၃)