ᥙᥣᥭᥰ ᥘᥦᥒ ᥛᥫᥒᥰ
ᥙᥣᥭᥰ ᥘᥦᥒ ᥛᥫᥒᥰ ᥙᥥᥢ ᥙᥪᥢᥳ ᥞᥧᥳ ᥜᥣᥭᥱ ᥘᥩᥒ ᥖᥣᥒᥰ ᥓᥫᥰ ᥟᥢ ᥐᥙᥴ ᥐᥣᥭᥱ ᥖᥒᥰ ᥘᥤᥢ ᥛᥫᥒᥰ ᥖᥤ ᥐᥨᥢᥰ ᥞᥝᥰ ᥕᥧᥱ ᥔᥝᥰ ᥝᥭᥳ ᥘᥭᥳ ᥔᥥᥒᥲ ᥔᥥᥒᥲ ᥕᥝᥳ။ ᥖᥤ ᥐᥨᥢᥰ ᥞᥝᥰ ᥕᥧᥱ ᥘᥭᥳ ᥙᥫᥒ ᥘᥨᥒᥴ ᥛᥢᥰ ᥙᥥᥢ ᥘᥫᥴ ᥘᥤᥢ ᥟᥢ ᥞᥩᥒᥳ ᥝᥣ ᥛᥫᥒᥰ ᥘᥭᥳ ᥕᥝᥳ။ "ᥛᥫᥒᥰ" ᥘᥭᥳ ᥔᥛᥳ ᥙᥥᥢ ᥑᥨᥝᥲ ᥑᥣᥛᥰ ᥖᥭᥰ ᥐᥝᥱ ᥐᥥᥱ ᥟᥢ ᥘᥣᥖ ᥘᥨᥭᥲ ᥘᥩᥒ ᥘᥛᥳ၊ ᥘᥤᥢ၊ ᥞᥤᥢᥴ၊ ᥚᥣᥴ၊ ᥗᥫᥢᥱ၊ ᥞᥨᥭᥲ၊ ᥘᥩᥭ၊ ᥘᥣᥰ ᥖᥨᥝᥱ ᥗᥪᥒᥴ ᥐᥣᥢ ᥙᥩᥒ ᥐᥧ ᥘᥩᥒ ᥘᥩᥒ ᥘᥢᥳ ᥕᥝᥳ။ ᥐᥩᥙ ᥘᥭᥴ ᥙᥣᥭᥰ ᥘᥦᥒ ᥛᥫᥒᥰ ᥘᥭᥳ ᥙᥥᥢ ᥖᥣᥒᥰ ᥟᥢ ᥘᥤ ᥞᥧᥳ ᥟᥢ ᥐᥙᥴ ᥐᥣᥭᥱ ᥝᥭᥳ ᥐᥨᥢᥰ ᥞᥝᥰ ᥘᥦᥲ ᥖᥤ ᥟᥤᥒ ᥐᥨᥢᥰ ᥞᥝᥰ ᥓᥫᥰ ᥘᥢᥳ ᥖᥒᥰ ᥔᥥᥒᥲ ᥘᥭᥴ ᥐᥩᥲ ᥝᥣ ᥘᥭᥲ ᥕᥧᥱ ᥕᥝᥳ။
ᥐᥨᥢᥰ ᥞᥝᥰ ᥙᥥᥢ ᥖᥨᥝ ᥔᥖᥴ ᥖᥨᥝ ᥛᥤᥰ ᥓᥬ ᥓᥫᥳ ᥘᥫᥒ ᥟᥢ ᥕᥧᥱ ᥖᥤ ᥘᥨᥐ ᥘᥧᥛᥲ ᥜᥣᥳ ᥐᥛᥱ ᥜᥣᥱ ᥘᥭᥳ ᥕᥝᥳ။ ᥘᥨᥐ ᥘᥭᥴ ᥛᥢᥰ ᥙᥥᥢ "ᥑᥨᥒᥰ" ᥟᥛᥱ ᥘᥢᥴ "ᥛᥫᥒᥰ"ᥟᥢ ᥖᥨᥒᥳ ᥘᥪᥒᥴ ᥑᥣᥭᥳ ᥘᥣᥭ ᥕᥧᥱ ᥖᥣᥱ ᥔᥥᥱ၊ ᥙᥩᥒᥱ ᥝᥣ ᥙᥥᥢ ᥟᥢ ᥛᥤᥰ ᥖᥣᥒᥰ ᥙᥥᥢ ᥙᥥᥢ ᥘᥧᥳ ᥘᥧᥳ ᥕᥧᥱ ᥖᥣᥱ ᥔᥥᥴ ᥘᥢᥳ ᥕᥝᥳ။ ᥘᥬᥰ ᥘᥨᥐ ᥟᥛᥱ ᥘᥢᥴ ᥘᥬᥰ ᥖᥬᥲ ᥖᥩᥒᥳ ᥜᥣᥳ ᥟᥢ ᥞᥩᥒᥳ ᥝᥣ ᥘᥧᥛᥲ ᥜᥣᥳ ᥟᥛᥱ ᥘᥢᥴ ᥐᥛᥱ ᥜᥣᥱ ᥟᥢ ᥛᥤᥰ ᥖᥤ ᥙᥩᥒᥱ ᥝᥣ ᥖᥤ ᥕᥧᥱ ᥔᥝᥰ ᥟᥢ ᥐᥝᥱ ᥐᥥᥱ ᥞᥪᥒᥴ ᥕᥣᥝᥰ ᥘᥣᥱ ᥘᥣᥱ ᥘᥭᥴ ᥛᥢᥰ ᥛᥤᥰ ᥔᥒᥴ ᥘᥣᥭᥴ ᥘᥣᥭᥴ၊ ᥑᥝᥴ ᥞᥥᥖᥱ ᥞᥪᥴ ᥔᥥᥴ ᥖᥨᥒᥳ ᥘᥪᥒᥴ ᥑᥣᥭᥳ ᥘᥣᥭ ᥕᥧᥱ၊ ᥑᥝᥴ ᥘᥭᥲ ᥟᥤᥒ ᥘᥒᥴᥚᥒᥴ ᥘᥩᥒ ᥓᥫᥳ ᥘᥒᥱ ᥞᥪᥴ ᥔᥥᥴ ᥙᥥᥢ ᥝᥭᥳ ᥓᥫᥰ ᥘᥭᥳ ᥐᥩᥲ ᥙᥥᥢ ᥘᥩᥒ ᥐᥩᥒᥳ ᥐᥣᥭᥱ ᥝᥭᥳ ᥖᥒᥰ ᥙᥣᥭᥰ ᥘᥦᥒ ᥛᥫᥒᥰ ᥜᥣᥭᥱ ᥘᥨᥐ ᥘᥧᥛ ᥜᥣᥳ ᥝᥭᥳ ᥕᥧᥱ။ ᥙᥫᥒ ᥘᥨᥒᥴ ᥛᥢᥰ ᥐᥨᥢᥰ ᥞᥝᥰ ᥙᥥᥢ ᥖᥨᥝ ᥔᥩᥛᥴ ᥘᥨᥛᥰ ᥟᥢ ᥖᥥᥱ ᥘᥭᥲ ᥞᥣᥴ ᥐᥤᥢ ᥘᥥᥒᥳ ᥖᥩᥒᥳ ᥕᥧᥱ ᥐᥧ ᥛᥫ ᥘᥢᥳ ᥘᥦᥲ ᥕᥧᥱ ᥔᥝᥰ ᥝᥭᥳ ᥖᥤ ᥘᥥᥝ ᥕᥧᥱ ᥔᥝᥰ ᥝᥭᥳ ᥞᥣᥒᥰ ᥑᥨᥝᥴ ᥟᥛᥱ ᥘᥭᥲ။ ᥞᥧᥳ ᥐᥩᥲ ᥘᥤ၊ ᥟᥛᥱ ᥞᥧᥳ ᥐᥩᥲ ᥘᥤ ᥐᥣ ᥖᥥᥴ ᥘᥭᥲ ᥖᥨᥒᥳ ᥘᥪᥒᥴ ᥖᥣᥱ ᥖᥩᥒᥳ ᥖᥣᥱ ᥘᥥᥒᥴ ᥖᥣᥱ ᥔᥪᥙ ᥕᥧᥱ ᥔᥝᥰ ᥓᥧᥐᥴ ᥛᥢᥲ ᥐᥣᥱ ᥘᥭᥲ ᥘᥢᥳ ᥕᥧᥱ။