ᥘᥤᥐ ᥖᥭᥰ ᥑᥣᥛᥰ ᥖᥭᥰ

ᥘᥩᥐ ᥔᥥᥴ ᥘᥤᥐ ᥑᥥᥱ ᥐᥧᥱ ᥐᥣ ᥙᥥᥢ ᥘᥤᥐ ᥑᥫᥰ ᥐᥨᥢᥰ ᥘᥬᥰ ᥙᥧᥢᥳ ᥖᥤ ᥙᥣᥱ ᥐᥛᥱ ᥜᥣᥳ ᥘᥭᥳ ᥟᥛᥱ ᥝᥣ ᥘᥤᥐ ᥟᥤᥒᥰ ᥐᥣ ᥘᥤᥖᥳ ၊ ᥘᥤᥐ ᥙᥣᥱ ᥘᥤᥱ၊ ᥘᥤᥐ ᥟᥤᥱ ᥓᥤᥙᥳ၊ ᥘᥤᥐ ᥔᥤᥱ ᥞᥨᥝᥱ၊ ᥘᥤᥐ ᥑᥩᥛᥴ၊ ᥘᥤᥐ ᥙᥤᥝᥱ၊ ᥘᥤᥐ ᥛᥩᥢᥰ-ᥘᥤᥐ ᥑᥣ ᥛᥥᥢᥱ၊ ᥘᥤᥐ ᥛᥣᥢ၊ ᥘᥤᥐ ᥕᥨᥢᥰ ᥘᥦᥲ ᥘᥤᥐ ᥗᥭᥰ ᥙᥣᥰ ᥖᥒᥰ ᥘᥤᥐ ᥖᥭᥰ ᥘᥨᥒᥴ ᥘᥭᥲ ᥑᥣᥛᥱ ᥙᥪᥢᥳ ᥘᥫᥴ ᥘᥤᥐ ᥙᥤᥝᥱ ᥞᥣᥳ ᥛᥤᥱ (ᥛᥫᥒᥰ ᥐᥣ ᥘᥣᥰ ᥟᥤᥢᥰ ᥖᥤᥰ ᥕᥫ ᥔᥥᥴ ᥘᥖᥴ ᥒᥴᥙᥒ ᥞᥥᥖᥱ ᥙᥥᥢ ᥛᥣᥰ ᥘᥩᥢᥳ ᥘᥩᥢᥳ ᥘᥥᥙ ᥞᥥᥢᥰ ᥞᥢᥴ ᥛᥢᥲ ᥘᥒᥱ ᥘᥭᥴ။) ᥘᥤᥐ ᥙᥤᥝᥱ ᥞᥣᥳ ᥛᥤᥱ ᥘᥭᥲ ᥖᥥᥱ ᥛᥤᥰ ᥛᥣᥰ ᥘᥬᥰ ᥛᥫᥒᥰ ᥐᥣᥳ ᥘᥣᥰ ᥟᥤᥢᥰ ᥖᥤᥰ ᥕᥫ ᥓᥥᥛ ᥛᥫ ᥟᥩᥢ ᥙᥤ ᥑᥣ ᥘᥤᥖᥳ 500(BC 500) ᥖᥨᥝᥱ ᥗᥪᥒᥴ ᥑᥣᥳ.ᥔᥣᥳ 300(AD 300) ᥘᥭᥴ၊ ᥘᥬᥰ ᥙᥣᥢ ᥑᥧᥢᥴ ᥞᥨᥝᥴ ᥑᥛᥰ ᥔᥤᥴ ᥘᥤᥳ ᥗᥛᥱ ᥛᥣᥱ ᥔᥨᥝᥰ ᥐᥣᥳ (ᥛᥩᥐ AD 300) ᥘᥢᥳ ᥘᥤᥐ ᥙᥤᥝᥱ ᥞᥣᥱ ᥛᥤᥱ ᥘᥥᥱ ᥚᥥ ᥞᥫᥒᥰ ᥓᥩᥖᥱ ᥖᥨᥝ ᥛᥫᥒᥰ ᥟᥤᥢᥰ ᥖᥤ ᥕᥫ ᥘᥦᥲ ᥚᥥᥴ ᥓᥩᥖᥱ ᥐᥧᥱ ᥘᥣᥭᥴ ᥘᥣᥭᥴ ᥛᥫᥒᥰ ᥓᥩᥛᥰ ᥘᥨᥭ ᥒᥝᥰ ᥘᥣᥭᥰ ᥘᥣᥭᥴ ᥘᥣᥭᥴ ᥙᥫᥒ ᥘᥭᥴ ᥕᥧᥱ။ ᥕᥝᥳ ᥐᥩᥲ ᥘᥤᥐ ᥙᥤᥝᥱ ᥞᥣᥱ ᥛᥤᥱ ᥘᥭᥳ ᥒᥴᥛᥒᥱᥙᥥᥢᥴ (2) ᥔᥣᥭᥴ ᥔᥩᥒᥴ ᥖᥣᥒᥰ ᥔᥥᥴ ᥚᥥᥴ ᥑᥝᥲ ᥛᥣᥰ ᥖᥣᥒᥰ ᥙᥩᥖᥴ ᥟᥥᥰ ᥡᥫᥝᥰ ᥝᥢᥰ ᥟᥩᥐᥱ ᥘᥦᥲ ᥓᥥᥒ ᥓᥣᥢᥰ ᥝᥢᥰ ᥟᥩᥐᥱ ᥘᥒᥱ ᥘᥭᥴ- ᥔᥣᥭᥴ ᥖᥤ (1)-ᥝᥣᥭᥰ ᥔᥥᥴ ᥟᥣᥱ ᥘᥣᥱ ᥓᥣᥐ ᥛᥨᥝᥰ ᥘᥤᥰ ᥕᥣᥰ ᥑᥩᥒᥴ ᥑᥧᥢᥴ ᥞᥨᥝᥴ ᥑᥛᥰ ᥔᥤᥱ ᥘᥤᥳ ᥗᥛᥱ ᥛᥣᥱᥔᥨᥝᥰ ᥐᥣᥳ ᥘᥭᥲ ᥘᥧᥳ ᥙᥒᥰ ᥐᥧᥱ ᥕᥝᥳ ᥘᥢᥳ ᥖᥣᥒᥰ ᥙᥩᥖᥴ ᥞᥩᥒᥱ ᥛᥫᥒᥰ ᥐᥣᥰ ᥘᥣᥰ ᥟᥤᥢᥰ ᥖᥤᥰ ᥕᥫ ᥛᥤᥰ ᥑᥫᥰ ᥑᥧᥢᥴ ᥐᥧ ᥡᥢ ᥘᥦᥲ ᥑᥫᥰ ᥑᥧᥢᥴ ᥐᥧᥙᥴ ᥖᥣᥳ (ᥐᥧᥖᥳ ᥖᥣᥳ) ᥐᥫᥖᥱ ᥛᥤᥰ ᥛᥣᥰ ᥗᥖᥴ ᥖᥣᥛᥰ ᥐᥢ ᥘᥦᥲ ᥘᥭᥲ ᥔᥪᥙᥱ ᥟᥝ ᥘᥤᥐ ᥙᥣᥱ ᥘᥤᥳ ᥛᥤᥱ ᥛᥣᥰ ᥛᥥᥰ ᥘᥖᥴ ᥞᥥᥖᥱ ᥙᥥᥢ ᥘᥤᥐ ᥐᥧ ᥡᥢ ᥘᥦᥲ ᥘᥤᥐ ᥐᥧᥙᥴ ᥖᥣᥳ ᥓᥩᥛᥰ ᥑᥢᥲ ᥖᥩᥢᥲ ᥙᥣᥢ ᥛᥢᥰ ᥛᥣᥰ။ ᥕᥝᥳ ᥐᥩᥲ ᥔᥪᥙᥱ ᥕᥥᥢᥰ ᥛᥣᥰ ᥙᥥᥢ ᥘᥤᥐ ᥢᥣᥱ ᥐᥣᥳ ᥘᥤᥳ (ᥖᥥᥱ ᥝᥢᥱ ᥘᥣᥱ ᥐᥣᥳ ᥘᥤᥱ) ᥘᥭᥴ ᥕᥝᥲ။ ᥔᥣᥭᥴ ᥙᥩᥖᥴ ᥞᥩᥒᥱ ᥘᥭᥳ ᥚᥥᥴ ᥑᥪᥢᥲ ᥛᥣᥰ ᥗᥪᥒᥴ ᥛᥫᥒᥰ ᥙᥤᥝᥱ၊ ᥛᥫᥒᥰ ᥛᥩᥢᥰ (ᥔᥧᥳ ᥗᥛᥱ ᥛᥝ ᥖᥤ) ᥘᥦᥲ ᥝᥣᥭᥰ ᥘᥪᥢᥰ ᥛᥣᥰ ᥕᥥᥢᥰ ᥛᥣᥰ ᥙᥥᥢ ᥘᥤᥐ ᥙᥤᥝᥱ၊ ᥘᥤᥐ ᥛᥩᥢᥰ ᥘᥦᥲ ᥘᥤᥐ ᥛᥣᥢ ᥖᥨᥝᥱ ᥗᥪᥒᥴ ᥙᥣᥢ ᥘᥭᥳ ᥘᥭᥴ ᥕᥧᥱ။