ᥓᥩᥒᥱ ᥘᥩᥒᥳ ᥖᥤᥴ ᥚᥩᥛᥳ

ᥖᥦᥛᥲ

ᥓᥣᥭᥰ ᥟᥫᥱ ᥓᥤᥒᥱ

ᥞᥩᥒᥳ ᥑᥣᥛᥰ

ᥓᥣᥭᥰ ᥟᥫᥱ ᥓᥤᥒᥱ, ᥘᥣᥒᥰ ᥙᥝᥰ ᥗᥩᥢᥲ

ᥑᥨᥝᥲ ᥑᥣᥛᥰ

ᥘᥩᥒᥳ ᥘᥩᥒᥳ ᥔᥣᥝᥴ ᥟᥩᥢᥱ ᥐᥦᥛᥳ ᥘᥩᥐᥴ ᥑᥩᥒᥱ ᥟᥧᥢᥱ ᥓᥬ ᥓᥣᥭᥰ ᥝᥭᥳ

ᥘᥝᥰ ᥞᥣᥒ ᥘᥤ ᥟᥩᥢᥱ ᥕᥧᥛᥳ ᥚᥖᥴ ᥔᥬᥱ ᥟᥝ ᥓᥬ ᥓᥣᥭᥰ ᥙᥝᥰ 

ᥓᥣᥭᥰ ᥓᥣᥭᥰ ᥙᥤ ᥛᥣᥝᥱ ᥔᥒᥴ ᥙᥥᥳ ᥛᥨᥝᥴ ᥕᥩᥐᥱ ᥐᥝᥰ ᥓᥬ ᥘᥣᥒᥰ ᥙᥫᥢ 

ᥘᥩᥒᥳ ᥖᥥᥳ ᥟᥛᥱ ᥕᥧᥛᥱ ᥐᥩᥙ ᥐᥨᥢᥰ ᥓᥣᥭᥰ ᥔᥧᥴ ᥟᥛᥱ ᥕᥧᥛᥱ ᥘᥭᥲ 

ᥖᥥᥳ ᥖᥥᥳ ᥟᥫ ᥘᥣᥴ ᥙᥩᥰ ᥘᥭᥲ ᥕᥧᥱ ᥑᥣᥒᥰ ᥓᥛ ᥓᥣᥭᥰ ᥖᥥᥳ 

ᥖᥣᥒᥰ ᥛᥭᥳ ᥖᥣᥒᥰ ᥑᥤᥴ ᥖᥥᥴ ᥟᥛᥱ ᥙᥢ ᥞᥬᥲ ᥔᥧᥴ ᥘᥩᥒᥳ ᥘᥭᥲ ᥛᥤᥰ 

ᥘᥩᥒᥳ  ᥘᥩᥒᥳ ᥐᥨᥝᥴ ᥘᥣᥱ ᥔᥒᥴ ᥓᥣᥭᥰ ᥙᥤ ᥛᥣᥝᥱ ᥞᥬᥲ ᥘᥩᥒᥳ ᥓᥥᥙᥰ ᥓᥬ 

ᥑᥣᥛᥰ ᥓᥣᥭᥰ ᥙᥤ ᥘᥣᥖ ᥟᥝ ᥔᥤᥛᥰ ᥝᥣᥒᥰ ᥝᥭᥳ ᥔᥥᥴ ᥐᥩᥢᥱ ᥘᥣᥳ 

ᥓᥩᥒᥱ ᥘᥩᥒᥳ ᥖᥥᥴ ᥚᥩᥛᥳ ᥓᥣᥭᥰ ᥘᥭᥲ ᥘᥩᥒᥳ ᥟᥛᥱ ᥛᥩᥐᥱ ᥘᥭᥲ 

ᥟᥝ ᥖᥣᥒᥰ ᥞᥐᥳ ᥓᥣᥭᥰ ᥔᥧᥴ ᥞᥬᥲ ᥛᥢᥲ ᥐᥪᥛᥰ ᥐᥩᥢᥱ ᥙᥤ ᥓᥣᥭᥰ ᥛᥣᥝᥱ 

ᥓᥩᥒᥱ ᥘᥩᥒᥳ ᥖᥥᥴ ᥞᥐᥳ ᥓᥣᥭᥰ ᥘᥭᥲ ᥘᥩᥒᥳ ᥐᥨᥝᥳ ᥟᥛᥱ ᥛᥩᥐᥱ ᥘᥭᥲ 

ᥑᥣᥲ ᥓᥣᥭᥰ ᥝᥭᥳ ᥝᥣ ᥕᥣᥱ ᥞᥬᥲ ᥘᥩᥒᥳ ᥞᥩᥒᥳ ᥞᥭᥳ ᥐᥨᥝᥳ ᥘᥩᥒᥳ ᥙᥨᥝᥰ ᥕᥝᥳ 

ᥞᥐᥳ ᥐᥪᥛᥰ ᥖᥨᥒᥱ ᥓᥨᥝ ᥔᥧᥖᥴ ᥙᥣᥢ