ᥒᥨᥝᥰ

ᥒᥨᥝᥰ ᥘᥭᥳ ᥐᥛᥳ ᥘᥛᥴ ᥙᥫᥢ ᥘᥥᥒᥳ ᥖᥣᥱ ᥐᥤᥢ ᥘᥫᥳ, ᥟᥝ ᥘᥛᥳ ᥘᥨᥛᥰ ᥘᥦᥲ ᥟᥝ ᥘᥒᥴ ᥛᥢᥰ ᥕᥝᥳ. ᥐᥛᥳ ᥚᥩᥒ ᥐᥩᥲ ᥘᥥᥒᥳ ᥒᥨᥝᥰ ᥖᥣᥱ ᥞᥥᥖᥱ ᥒᥨᥝᥰ ᥘᥨᥝᥳ ᥔᥥᥴ ᥔᥤᥱ ᥟᥩᥐᥱ ᥑᥣᥝᥰ ᥖᥣᥒᥰ  ᥘᥦᥲ ᥐᥛᥳ ᥚᥩᥒ ᥔᥛᥳ ᥘᥥᥒᥳ ᥖᥣᥱ ᥖᥪᥰ ᥐᥣᥢ ᥗᥭᥴ ᥞᥭ ᥗᥭᥴ ᥘᥣᥰ ᥕᥝᥳ. ᥔᥤᥲ ᥒᥨᥝᥰ ᥔᥛᥳ ᥟᥝ ᥞᥥᥖᥱ ᥚᥧᥢᥱ ᥗᥣᥖ ᥖᥣᥱ ᥔᥩᥛᥳ ᥑᥝᥲ ᥔᥩᥛᥳ ᥚᥐᥴ ᥐᥩᥲ ᥘᥭᥲ, ᥟᥝ ᥞᥥᥖᥴ ᥙᥖᥱ ᥗᥣᥱ ᥘᥤᥱ ᥖᥣᥱ ᥖᥪᥰ ᥜᥭᥰ ᥜᥣᥳ ᥐᥩᥲ ᥘᥭᥲ ᥕᥝᥳ.

ᥚᥧᥒᥱ ᥞᥣᥒ ᥒᥨᥝᥰ ᥖᥨᥝ ᥘᥫᥒ

ᥓᥫᥳ ᥒᥨᥝᥰ

ᥓᥫᥳ ᥒᥨᥝᥰ ᥘᥭᥳ ᥛᥫ ᥖᥥᥴ ᥛᥢᥰ ᥛᥤᥰ ᥔᥣᥛᥴ ᥓᥫᥳ. Bos Taurus : ᥟᥢ ᥕᥧᥱ ᥖᥤᥰ ᥐᥧᥢ ᥕᥧᥱ ᥘᥨᥙ ᥐᥛᥳ ᥘᥛᥴ ᥞᥩᥒᥳ ᥝᥣ ᥖᥩᥱ ᥘᥤᥢᥰ ᥘᥦᥖᥱ ᥖᥦᥱ (Taurine cattle), Bos indicus : ᥓᥫᥳ ᥒᥨᥝᥰ ᥟᥢ ᥞᥩᥒᥳ ᥝᥣ ᥔᥤᥱ ᥙᥧᥱ (Zebu) ᥘᥦᥲ Bos primigenius : ᥓᥫᥳ ᥒᥨᥝᥰ ᥟᥩᥰ ᥘᥨᥝᥳ (Aurochs) ᥘᥭᥴ ᥕᥝᥳ. Aurochs ᥘᥭᥳ ᥙᥥᥢ ᥙᥧᥱ ᥛᥩᥢᥱ ᥘᥣᥭᥰ ᥕᥣ ᥖᥨᥝ Zebu ᥖᥒᥰ Taurine cattle ᥕᥝᥳ. ᥐᥩᥭᥰ ᥝᥣ ᥓᥫᥳ Aurocha ᥘᥭᥳ ᥙᥥᥢ ᥟᥢ ᥞᥣᥭᥴ ᥝᥣᥭᥰ ᥟᥛᥱ ᥛᥤᥰ ᥘᥬᥰ ᥘᥧᥛ ᥚᥣᥳ ᥙᥧᥢᥳ ᥖᥤ ᥙᥣᥱ ᥞᥝᥰ ᥕᥝᥳ.  Aurochs ᥘᥭᥳ ᥛᥫ ᥟᥩᥢ ᥖᥣᥒᥰ ᥕᥧᥱ ᥖᥤ ᥐᥧᥢ ᥟᥣᥱ ᥚᥣᥳ ᥘᥤᥳ ᥐᥣᥳ ᥞᥩᥒᥱ, ᥐᥧᥢ ᥕᥧ ᥕᥨᥙ ᥘᥦᥲ ᥐᥧᥢ ᥟᥥᥰ ᥡᥣᥰ. ᥝᥣᥭᥰ ᥛᥣᥰ ᥐᥩᥲ ᥘᥭᥲ ᥞᥢᥴ ᥖᥤ ᥕᥧᥱ ᥘᥨᥙ ᥐᥩᥭᥰ ᥘᥦᥲ ᥖᥨᥝ ᥘᥪᥢᥰ ᥔᥧᥖᥴ ᥟᥢ ᥛᥤᥰ ᥝᥭᥳ ᥖᥤ ᥘᥬᥰ ᥛᥣᥭᥴ ᥖᥩᥒᥰ ᥘᥭᥳ ᥙᥥᥢ ᥖᥨᥝ ᥟᥢ ᥖᥣᥭ ᥐᥣᥱ ᥖᥤ ᥝᥥᥒᥰ ᥛᥣᥱ ᥔᥨᥝᥰ ᥙᥤᥰ ᥕᥣᥰᥱ (Mazovia), ᥙᥨᥝᥱ ᥘᥣᥢᥱ ᥛᥫ ᥙᥨᥢᥳ ᥛᥣᥰ 1627 ᥘᥢᥳ ᥕᥝᥳ.

ᥓᥪ ᥞᥩᥒᥳ

ᥒᥨᥝᥰ ᥛᥥᥱ ᥘᥭᥳ ᥞᥩᥒᥳ  ᥝᥣ Cow ᥘᥦᥲ ᥒᥨᥝᥰ ᥒᥣᥢᥴ ᥔᥛᥳ Bull ᥘᥭᥴ ᥕᥝᥳ. Cattle ᥘᥭᥳ ᥛᥢᥰ ᥑᥭᥲ ᥛᥣᥭᥴ ᥗᥪᥒᥴ ᥚᥧᥒᥴ ᥒᥨᥝᥰ ᥕᥝᥳ.