ᥜᥤᥒᥲ ᥝᥢᥰ ᥙᥤ ᥛᥬᥱ ᥖᥭᥰ ( ᥖᥭᥰ ᥘᥨᥒᥴ )
ᥐᥨᥢᥰ ᥞᥝᥰ ᥘᥭᥳ ᥟᥛᥱ ᥝᥣ ᥓᥫᥳ ᥑᥫᥰ ᥘᥬ ᥛᥫ ᥘᥭᥲ ᥕᥧᥱ ᥔᥝᥰ ᥞᥨᥛ ᥐᥢ ᥘᥦᥰ ᥘᥭᥲ ᥐᥨᥝᥱ ᥖᥒᥲ ᥜᥤᥒᥲ ᥐᥨᥢᥰ ᥞᥨᥛ ᥐᥢ ᥓᥩᥛᥰ ᥖᥤ ᥕᥧᥱ ᥖᥤ ᥐᥤᥢ ᥘᥬᥰ ᥖᥢᥰ ᥞᥥᥒᥰ ᥚᥬᥴ ᥛᥢᥰ ᥘᥢᥳ ᥙᥩᥰ ᥞᥪᥒᥴ ᥖᥣᥛᥰ ᥞᥪᥒᥴ ᥛᥣᥰ ᥖᥥᥰ ᥐᥫᥖᥱ ᥛᥤᥰ ᥜᥤᥒᥲ ᥟᥢ ᥝᥭᥳ ᥙᥥᥢ ᥖᥤ ᥕᥧᥛᥱ ᥕᥛ ᥓᥧᥒ ᥓᥬ ᥘᥦᥳ ᥖᥪᥰ ᥛᥢᥲ ᥞᥥᥖᥱ ᥓᥩᥛᥰ ᥛᥣᥰ ᥙᥣᥢ ᥔᥪᥙᥱ ᥙᥣᥢ ᥖᥩᥢᥲ ᥖᥣᥱ ᥛᥧᥐᥳ ᥜᥧᥒᥴ ᥐᥨᥢᥰ ᥟᥛᥱ ᥘᥢᥴ ᥜᥤᥒᥲ ᥐᥨᥢᥰ ᥑᥫᥰ ᥓᥝᥲ ᥐᥝᥱ ᥖᥤᥴ ᥘᥭᥲ ᥕᥧᥱ ᥐᥖᥴ ᥕᥥᥢ ᥞᥤᥢᥳ ᥘᥩᥢᥰ။ ᥘᥫᥴ ᥘᥢᥳ ᥘᥒᥱ ᥞᥪᥴ ᥘᥩᥒ ᥞᥣᥴ ᥐᥤᥢ ᥘᥥᥒᥳ ᥖᥩᥒᥳ ᥘᥬᥰ ᥜᥤᥒᥲ ᥐᥨᥢᥰ ᥖᥤᥴ ᥖᥥᥒ ᥘᥤᥛ ᥛᥢᥲ ᥐᥦᥢᥱ ᥘᥢᥳ ᥔᥣᥭᥴ ᥚᥬᥴ ᥑᥫᥰ ᥛᥢᥰ ᥓᥒᥱ ᥘᥭᥲ ᥐᥨᥝᥱ ᥖᥒᥲ ᥜᥤᥒᥲ ᥖᥪᥰ ᥐᥛ ᥘᥣᥭᥴ ᥘᥣᥭᥴ ᥟᥢ ᥓᥩᥛᥰ ᥐᥣᥱ ᥘᥣᥳ ᥖᥥᥱ ᥔᥣ ᥛᥣᥰ ᥓᥬᥳ ᥖᥪᥰ ᥞᥥᥖᥱ ᥓᥩᥛᥰ ᥐᥢ။ ᥘᥬᥰ ᥐᥣ ᥜᥤᥒᥲ ᥓᥫᥰ ᥘᥭᥲ ᥓᥬᥳ ᥖᥪᥰ ᥔᥪᥙᥱ ᥔᥪᥙ ᥐᥢ ᥛᥣᥰ ᥘᥬᥰ ᥜᥤᥒᥲ ᥐᥨᥢᥰ ᥞᥝᥰ ᥙᥤ ᥘᥬ ᥙᥤ ᥘᥢᥳ ᥘᥭᥳ ᥛᥤᥰ ᥙᥣᥰ ᥜᥤᥒᥲ ᥙᥤ ᥛᥬᥱ ᥟᥛᥱ ᥘᥢᥴ ᥜᥤᥒᥲ ᥞᥙᥳ ᥖᥩᥢᥲ ᥙᥤ ᥛᥬᥱ ᥘᥩᥒ ᥘᥫᥒ။
ᥙᥤ ᥛᥬᥱ ᥖᥭᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥐᥨᥢᥰ ᥑᥫᥰ ᥖᥭᥰ ᥞᥝᥰ ᥐᥧ ᥖᥤ ᥖᥤ ᥓᥫᥒᥳ ᥘᥒᥱ ᥗᥭᥰ ᥘᥣᥝᥰ ᥕᥨᥢᥰ ᥖᥭᥰ ᥖᥬᥲ ᥖᥭᥰ ᥑᥪᥢᥴ ᥖᥭᥰ ᥘᥪᥳ ᥖᥭᥰ ᥘᥦᥛᥰ ᥖᥭᥰ ᥘᥧᥒᥰ ᥖᥭᥰ ᥘᥫᥴ ᥘᥦᥰ ᥖᥭᥰ ᥟᥣ ᥞᥨᥛ ᥓᥥᥛ ᥓᥫᥰ ᥘᥭᥳ ᥙᥦᥐᥳ ᥔᥛᥳ ᥝᥣ ᥟᥛᥱ ᥘᥭᥲ ᥕᥧᥱ ᥐᥭ ᥓᥛ ᥐᥢ (ᥔᥨᥢᥱ ᥘᥣᥭᥴ ᥕᥧᥱ ᥕᥣᥢᥴ ᥐᥭ) ᥐᥢ ᥔᥥᥴ ᥖᥣᥳ ᥜᥤᥒᥲ ᥙᥤ ᥛᥬᥱ ᥟᥛᥱ ᥘᥢᥴ ᥜᥤᥒᥲ ᥞᥙᥳ ᥖᥩᥢᥲ ᥙᥤ ᥛᥬᥱ ᥘᥭᥳ ᥖᥤ ᥛᥣᥰ ᥛᥢᥰ ᥛᥫᥢᥴ ᥐᥢ၊ ᥙᥥᥢ ᥝᥢᥰ ᥘᥥᥝ ᥘᥫᥢ ᥘᥥᥝ ᥐᥢ ᥐᥧ ᥖᥤ ᥖᥤ။ ᥝᥢᥰ ᥙᥤ ᥛᥬᥱ ᥖᥭᥰ ᥘᥭᥳ ᥙᥥᥢ ᥝᥢᥰ ᥘᥫᥢ ᥟᥣᥭᥲ ᥑᥪᥢᥲ ᥘᥫᥒ ᥑᥛ ᥐᥧ ᥙᥤ (ᥖᥤᥴ ᥕᥧᥱ ᥛᥩᥐ ᥐᥣᥒ ᥘᥫᥢ ᥢᥨᥝ ᥝᥦᥛ ᥙᥫᥝ ᥐᥧ ᥙᥤ ᥔᥥᥴ ᥙᥩᥰ ᥙᥥᥢ ᥙᥤ ᥔᥩᥢᥳ ᥘᥭᥳ ᥖᥤᥴ ᥕᥧᥱ ᥛᥩᥐ ᥐᥣᥒ ᥘᥫᥢ ᥖᥤᥱ ᥔᥦᥛᥱ ᥙᥫᥝᥱ ᥐᥧ ᥙᥤ )။ ᥛᥫ ᥙᥣᥢ ᥙᥧᥱ ᥛᥩᥢᥱ ᥞᥝᥰ ᥐᥨᥢᥰ ᥑᥫᥰ ᥖᥭᥰ ᥐᥧ ᥓᥧᥛᥰ ᥓᥧᥛᥰ ᥘᥭᥲ ᥖᥪᥰ ᥟᥝ ᥝᥢᥰ ᥘᥫᥢ ᥟᥣᥭᥲ ᥑᥪᥢᥲ ᥘᥫᥒ ᥑᥛ ᥙᥥᥢ ᥝᥢᥰ ᥙᥤ ᥛᥬᥱ ᥛᥫᥢᥴ ᥐᥢ ᥛᥣᥰ။ (ᥘᥫᥢ ᥟᥣᥭᥲ ᥘᥭᥳ ᥛᥣᥒ ᥖᥤ ᥞᥩᥒᥳ ᥝᥣ ᥘᥫᥢ ᥓᥥᥒ ᥞᥪᥴ ᥐᥩᥲ ᥘᥫᥢ ᥐᥥᥒ၊ ᥙᥨᥝᥰ ᥝᥣ ᥘᥫᥢ ᥟᥣᥭᥲ ᥘᥭᥴ ᥖᥥᥳ ᥖᥭᥰ ᥞᥝᥰ ᥞᥧᥳ ᥓᥐᥴ ᥐᥢ ᥐᥧ ᥖᥤ ᥖᥤ။ )
ᥙᥤ ᥛᥬᥱ ᥖᥭᥰ ᥟᥛᥱ ᥘᥢᥴ ᥙᥤ ᥛᥬᥱ ᥖᥭᥰ ᥘᥨᥒᥴ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥐᥨᥢᥰ ᥑᥫᥰ ᥖᥭᥰ ᥞᥝᥰ ᥘᥭᥲ ᥓᥬᥳ ᥖᥪᥰ ᥘᥐᥴ ᥙᥫᥒ 12 ᥘᥫᥢ ᥓᥩᥛᥰ ᥓᥪ ᥘᥦᥒ ᥘᥣᥝ (ᥘᥣᥐ ᥑᥣᥖ )၊ ᥘᥦᥒ ᥘᥣᥝ ᥘᥭᥳ ᥐᥨᥢᥰ ᥑᥫᥰ ᥖᥭᥰ ᥔᥨᥢᥱ ᥕᥬᥱ ᥔᥨᥒᥴ ᥞᥩᥒᥳ ᥝᥣ ᥛᥤᥒᥲ ᥙᥤ (ᥞᥨᥛ ᥖᥒᥰ ᥗᥭᥰ ᥘᥦᥲ ᥘᥣᥝᥰ ) ᥟᥢ ᥙᥥᥢ - ᥓᥭᥲ (ᥘᥧᥴ )၊ ᥙᥝᥲ (ᥒᥨᥝᥰ )၊ ᥕᥤᥰ (ᥔᥫᥴ )၊ ᥛᥝᥲ (ᥙᥣᥒ ᥖᥣᥭᥰ )၊ ᥔᥤᥴ (ᥒᥫᥐ )၊ ᥔᥭᥲ (ᥒᥧᥰ )၊ ᥔᥤ ᥒᥣᥳ (ᥛᥣᥳ )၊ ᥛᥥᥖᥳ (ᥙᥥᥳ )၊ ᥔᥢᥴ (ᥘᥤᥒᥰ )၊ ᥞᥝᥳ (ᥐᥭᥱ )၊ ᥔᥥᥖ (ᥛᥣᥴ)၊ ᥐᥭᥲ (ᥛᥧᥴ ) ᥓᥫᥰ ᥘᥭᥳ။
ᥘᥐᥴ ᥙᥫᥒ ᥓᥫᥰ ᥝᥣ ᥛᥣᥰ ᥘᥭᥳ ᥖᥭᥰ ᥘᥫᥴ ᥖᥭᥰ ᥖᥬᥲ ᥞᥩᥒᥳ ᥝᥣ ᥘᥐᥴ ᥘᥤᥲ ။ ᥖᥒᥲ ᥓᥪ ᥘᥧᥐ ᥘᥣᥒᥰ ᥐᥩᥰ ᥔᥨᥒᥴ ᥓᥬᥳ ᥖᥪᥰ ᥓᥩᥛᥰ ᥘᥐᥴ ᥙᥫᥒ ᥛᥤᥒᥲ ᥙᥤ ᥘᥭᥳ ᥘᥒᥱ ᥐᥢ၊ ᥓᥫᥒᥳ ᥘᥒᥱ ᥙᥨᥝᥰ ᥙᥥᥢ ᥘᥧᥐ ᥓᥣᥭᥰ ᥔᥨᥒᥴ ᥖᥒᥲ ᥓᥪ ᥖᥥᥱ ᥟᥝ ᥘᥧᥐ ᥐᥨᥝᥳ ᥒᥝᥲ ᥐᥣᥱ - ᥟᥣᥭᥲ ᥕᥤ ᥔᥣᥛᥴ ᥔᥭᥱ ᥒᥨᥝᥳ ᥘᥨᥐ ᥟᥤᥖᥴ ᥘᥥᥐᥳ ᥘᥧᥛᥱ ᥘᥪᥢᥰ ᥐᥩᥭ ။ ᥔᥒᥴ ᥙᥥᥢ ᥘᥧᥐ ᥕᥤᥒᥰ ᥔᥨᥒᥴ ᥖᥒᥲ ᥝᥣ - ᥕᥥᥲ ᥟᥤᥱ ᥟᥣᥛᥴ ᥟᥭᥱ ᥟᥨᥝᥲ ᥟᥨᥐᥴ ᥟᥤᥖᥴ ᥘᥥᥐᥳ ᥘᥧᥛᥱ ᥘᥪᥢᥰ ᥐᥩᥭ ᥓᥥᥛ ᥓᥫᥰ ᥘᥭᥳ။ ᥐᥩᥙ ᥙᥫ ᥐᥨᥢᥰ ᥖᥭᥰ ᥘᥫᥴ ᥖᥭᥰ ᥖᥬᥲ ᥘᥭᥲ ᥖᥒᥲ ᥘᥐᥴ ᥘᥤᥲ ᥟᥢ ᥟᥝ ᥓᥩᥛᥰ ᥘᥐᥴ ᥙᥫᥒ ᥛᥤᥒᥲ ᥙᥤ ᥓᥬᥳ ᥖᥣᥱ ᥜᥤᥒᥲ ᥐᥨᥢᥰ ᥖᥨᥝ ᥐᥝᥱ ᥛᥣᥰ ᥘᥦᥳ ᥓᥒᥱ ᥛᥤᥰ ᥜᥤᥒᥲ ᥙᥤ ᥛᥬᥱ ᥘᥬᥰ ᥘᥫᥢ ᥓᥥᥒ ᥛᥬᥱ ᥝᥢᥰ ᥘᥫᥒ (ᥘᥫᥢ ᥟᥣᥭᥲ -ᥘᥫᥢ ᥓᥭᥲ ᥛᥬᥱ ᥝᥢᥰ ᥘᥫᥒ ) ᥔᥥᥴ ᥘᥭᥲ ᥕᥤᥙᥴ ᥖᥪᥰ ᥔᥪᥙᥱ ᥛᥣᥰ ᥖᥨᥝᥱ ᥝᥢᥰ ᥛᥫ ᥘᥭᥳ။ ᥖᥤ ᥖᥥᥳ ᥛᥢᥰ ᥘᥐᥴ ᥘᥤᥲ ᥘᥭᥳ ᥙᥥᥢ ᥚᥣᥱ ᥔᥣᥱ ᥑᥣᥛᥰ ᥘᥣᥖ ᥟᥢ ᥘᥭᥲ ᥟᥨᥛ ᥔᥨᥙᥱ ᥛᥣᥰ ᥙᥥᥢ ᥙᥤ ᥕᥣᥝᥰ ᥑᥣᥝᥰ ᥞᥪᥒᥴ ᥘᥢᥳ ᥔᥥᥴ ᥟᥢ ᥙᥥᥢ ᥙᥤ ᥘᥙᥳ ᥖᥭᥰ (ᥔᥐᥳ ᥐᥣ ᥘᥣᥖ )ᥖᥨᥝ ᥘᥙᥳ ᥟᥣᥢᥱ ᥟᥢ ᥖᥭᥰ ᥖᥬᥲ ᥔᥨᥒᥴ ᥞᥩᥒᥳ ᥐᥢ ᥝᥣ ᥙᥤ ᥛᥫᥒᥰ ᥘᥢᥳ ᥘᥬᥰ ᥙᥤ ᥙᥧᥐᥳ ᥗᥣᥳ 2557 ᥘᥭᥳ (ᥙᥧᥢ ᥖᥣᥱ ᥖᥭᥰ ᥘᥫᥴ ᥖᥭᥰ ᥖᥬᥲ ) ᥘᥭᥲ ᥛᥣᥰ ᥕᥝᥳ 2108 ᥙᥤ ။ (ᥙᥤ ᥛᥫᥒᥰ 2108 ᥘᥤᥲ ᥘᥭᥳ ᥙᥥᥢ ᥛᥤᥒᥲ ᥛᥥ ᥙᥤ ᥖᥭᥰ ᥖᥭᥰ ᥘᥫᥴ ᥖᥭᥰ ᥖᥬᥲ ။ )
ᥙᥤ ᥛᥫᥒᥰ ᥟᥛᥱ ᥘᥢᥴ ᥛᥤᥒᥲ ᥙᥤ ᥖᥭᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥚᥪᥢᥴ ᥛᥣᥭᥴ ᥓᥩᥭ ᥖᥩᥒᥰ ᥑᥥᥱ ᥞᥨᥛ ᥖᥒᥰ ᥑᥣᥛᥰ ᥛᥩᥐᥱ ᥘᥣᥖ ᥚᥧᥱ ᥞᥧᥳ ᥐᥨᥢᥰ ᥑᥫᥰ ᥖᥭᥰ ᥖᥬᥲ ᥘᥣᥭᥴ ᥘᥣᥭᥴ ᥓᥝᥲ ᥕᥝᥳ ᥘᥭᥲ ᥞᥧᥳ ᥒᥫᥢ ᥒᥝᥲ ᥛᥣᥰ ᥝᥣ ᥙᥤ ᥛᥫᥒᥰ ᥖᥭᥰ ᥟᥛᥱ ᥘᥢᥴ ᥛᥤᥒᥲ ᥙᥤ ᥖᥭᥰ (ᥖᥭᥰ ᥘᥫᥴ -ᥖᥭᥰ ᥖᥬᥲ ) ᥘᥭᥳ ᥖᥥᥱ ᥘᥙᥳ ᥔᥩᥢᥱ ᥖᥒᥲ ᥖᥥᥱ ᥙᥤ ᥟᥢ ᥓᥝᥲ ᥑᥧᥢᥴ ᥕᥤ ᥘᥧᥐ ᥓᥣᥭᥰ ᥐᥨᥝᥳ ᥖᥤ 2 ᥑᥧᥢᥴ ᥟᥧᥰ ᥖᥤᥱ ᥜᥣᥳ (ᥓᥪ ᥑᥫᥰ ᥞᥫᥢᥰ ) ᥓᥝᥲ ᥛᥫᥒᥰ ᥘᥩᥒᥴ ᥔᥥᥴ ᥟᥩᥢ ᥟᥝ ᥑᥣᥲ ᥛᥣᥢᥲ ᥐᥨᥢᥰ ᥛᥫᥒᥰ ᥐᥛᥱ ᥚᥩᥒ ᥘᥩᥒ ᥘᥨᥒᥰ ᥓᥩᥛᥰ ᥘᥛᥰ ᥘᥛᥳ ᥑᥨᥒᥰ ᥛᥣᥰ ᥖᥥᥱ ᥖᥒᥲ ᥛᥣᥢᥲ ᥛᥫᥒᥰ (ᥛᥫᥒᥰ ᥛᥣᥝᥰ ) ᥖᥤ ᥞᥤᥛᥰ ᥜᥣᥒᥱ ᥘᥛᥳ ᥛᥣᥝᥰ ᥟᥩᥢ ᥖᥣᥒᥰ ᥙᥤ ᥑᥣ ᥘᥤᥖᥳ ᥖᥣ ᥛᥩᥐ 94 ᥙᥤ၊ ᥛᥦᥢ ᥛᥩᥐ ᥙᥤ ᥐᥧᥐᥳ ᥗᥣᥳ 450 ᥘᥢᥳ ᥛᥣᥰ။ (ᥘᥛᥳ ᥛᥣᥝᥰ ᥘᥭᥳ ᥛᥫ ᥟᥩᥢ ᥖᥣᥒᥰ ᥞᥩᥒᥳ ᥘᥛᥳ ᥞᥨᥭᥲ ᥘᥤᥲ၊ ᥐᥨᥢᥰ ᥛᥣᥢᥲ ᥞᥥᥐᥳ ᥝᥣ ᥡᥨᥭᥱ ᥘᥤᥱ၊ ᥐᥨᥢᥰ ᥑᥥᥱ ᥔᥛᥳ ᥖᥦᥛᥲ ᥓᥩᥛᥰ ᥔᥥᥒᥴ ᥑᥝᥴ ᥝᥣ ᥕᥧᥭᥲ ᥘᥤᥲ )။
ᥕᥩᥢᥳ ᥘᥩᥒ ᥓᥫᥒᥳ ᥘᥒᥱ ᥝᥣ ᥛᥣᥰ ᥘᥭᥳ ᥘᥦᥰ ᥐᥨᥢᥰ ᥑᥫᥰ ᥖᥭᥰ (ᥖᥭᥰ ᥘᥫᥴ ၊ ᥖᥭᥰ ᥖᥬᥲ ) ᥓᥒᥱ ᥘᥭᥲ ᥕᥤᥙᥱ ᥖᥪᥰ ᥟᥝ ᥙᥤ ᥟᥢ ᥓᥝᥲ ᥑᥧᥢᥴ ᥕᥤ ᥟᥩᥢ ᥟᥝ ᥑᥣᥲ ᥛᥣᥢᥲ ᥐᥨᥢᥰ ᥛᥫᥒᥰ ᥘᥨᥒᥰ ᥛᥣᥰ ᥖᥥᥱ ᥖᥒᥲ ᥔᥪᥒᥱ ᥛᥫᥒᥰ ᥖᥤ ᥞᥤᥛᥰ ᥜᥣᥒᥱ ᥘᥛᥳ ᥛᥣᥝᥰ ᥘᥢᥳ ᥛᥣᥰ ᥙᥥᥢ ᥙᥤ ᥛᥫᥒᥰ ᥟᥛᥱ ᥘᥢᥴ ᥛᥤᥒᥲ ᥙᥤ ᥓᥬᥳ ᥖᥣᥱ ᥓᥫᥳ ᥔᥣᥭᥴ ᥑᥫᥰ ᥖᥨᥝ ᥐᥝᥱ ᥔᥥᥴ ᥔᥪᥙ ᥖᥪᥰ ᥛᥣᥰ ᥖᥨᥝᥱ ᥗᥪᥒᥴ ᥝᥢᥰ ᥛᥫ ᥘᥭᥳ။ ᥘᥬᥰ ᥙᥤᥴ ᥙᥧᥐᥳ ᥗᥣᥳ 2556-57 ᥘᥭᥳ ᥛᥤᥒᥲ ᥙᥤ ᥖᥭᥰ ᥟᥛᥱ ᥘᥢᥴ ᥙᥤ ᥛᥫᥒᥰ ᥖᥭᥰ ᥘᥭᥲ ᥛᥣᥰ ᥕᥝᥳ 2108 ᥘᥤᥲ။ (ᥕᥧᥱ ᥘᥬᥰ ᥘᥫᥢ ᥖᥤ ᥔᥦᥛ ᥙᥫᥝ ᥙᥤ 2013 ᥘᥭᥳ )။ ᥐᥨᥢᥰ ᥑᥫᥰ ᥖᥭᥰ ᥞᥝᥰ ᥓᥒᥱ ᥞᥩᥒᥳ ᥙᥤ ᥛᥬᥱ ᥖᥨᥝ ᥐᥝᥱ ᥘᥬᥰ ᥙᥤ (2014) ᥘᥭᥳ ᥝᥣ ᥘᥐᥴ ᥘᥤᥲ ᥙᥤ ᥖᥭᥰ ᥐᥙᥴ ᥔᥤ ᥒᥣᥳ (ᥙᥤ ᥛᥣᥳ ) ᥙᥤ ᥛᥫᥒᥰ 2108 ᥘᥤᥲ ᥘᥭᥴ ᥕᥝᥳ။ (ᥛᥫ ᥑᥬᥲ ᥞᥧᥳ ᥙᥤ ᥛᥫᥒᥰ - ᥖᥭᥰ ᥟᥛᥱ ᥘᥢᥴ ᥖᥭᥰ ᥛᥤᥒᥲ ᥙᥤ ᥖᥭᥰ ᥘᥢᥳ ᥖᥤᥴ ᥘᥭᥲ ᥟᥝ ᥙᥤ ᥙᥧᥐᥳ ᥗᥣᥳ ᥛᥫ ᥘᥥᥝ ᥖᥒᥲ ᥔᥥᥴ ᥟᥝ ᥙᥤ ᥟᥢ ᥑᥧᥢᥴ ᥕᥤ ᥖᥒᥲ ᥛᥫᥒᥰ ᥘᥢᥳ ᥛᥣᥰ ᥗᥩᥢᥴ ᥘᥭᥴ ᥓᥪᥒ ᥖᥤᥴ ᥛᥦᥢ ᥓᥩᥛᥰ ᥙᥤ ᥛᥫᥒᥰ ᥑᥩᥒᥴ ᥖᥭᥰ (ᥙᥣᥳ ᥖᥣᥳ ) ᥟᥛᥱ ᥘᥢᥴ ᥛᥤᥒᥲ ᥙᥤ ᥖᥭᥰ (ᥖᥣᥳ ᥔᥣᥳ )။ ᥓᥫᥒᥳ ᥘᥒᥱ - ᥙᥤ ᥑᥣ ᥘᥥᥖᥳ 2011 ᥘᥭᥳ ᥙᥤ ᥙᥣᥳ ᥔᥣᥳ 2554-55 ᥘᥤᥲ၊ ᥟᥝ ᥙᥤ ᥟᥢ ᥓᥝᥲ ᥑᥧᥢᥴ ᥕᥤ ᥖᥒᥲ ᥛᥫᥒᥰ ᥙᥣ ᥔᥣᥳ 450 ᥛᥣᥰ ᥗᥩᥢᥴ ᥕᥝᥳ ᥘᥭᥲ 2108 ᥘᥢᥳ ᥙᥥᥢ ᥙᥤ ᥛᥫᥒᥰ ᥖᥭᥰ (ᥖᥣᥳ ᥔᥣᥳ )။ ( ᥙᥣ ᥔᥣᥳ 2557 – 450 ᥞᥧᥳ ᥖᥣᥳ ᥔᥣᥳ 2108) ᥘᥢᥳ ᥕᥧᥱ။ [ᥙᥤ ᥛᥫᥒᥰ ᥟᥛᥱ ᥘᥢᥴ ᥛᥤᥒᥲ ᥙᥤ ᥟᥛᥱ ᥘᥢᥴ ᥙᥤ ᥖᥭᥰ (2108) ᥟᥢ ᥖᥭᥰ ᥞᥝᥰ ᥘᥙᥳ ᥔᥩᥢᥱ ᥓᥬᥳ ᥖᥪᥰ ᥐᥢ ᥕᥧᥱ ᥘᥭᥳ ᥙᥥᥢ ᥙᥤ ᥛᥫᥒᥰ ᥑᥫᥰ ᥖᥭᥰ ᥘᥫᥴ၊ ᥖᥭᥰ ᥖᥬᥲ ᥖᥒᥰ ᥖᥭᥰ ᥖᥣᥒᥱ ᥑᥫᥰ ᥑᥝᥴ ᥟᥛᥱ ᥐᥥᥝᥱ ᥐᥩᥒᥳ ᥐᥢ ᥔᥒᥴ။ ᥐᥩᥭᥰ ᥐᥣ ᥘᥐᥴ ᥘᥤᥲ ᥙᥤ ᥖᥭᥰ ᥟᥢ ᥟᥤᥒ ᥟᥝ ᥘᥐ ᥙᥫᥒ ᥙᥤ ᥐᥣᥙᥱ ᥓᥭᥲ 60 ᥘᥩᥐᥴ ᥔᥥᥴ ᥘᥙᥳ ᥔᥩᥢᥱ ᥕᥤᥙᥴ ᥖᥪᥰ ᥐᥢ ᥛᥣᥰ ᥟᥢ ᥙᥥᥢ ᥘᥫᥢ ᥟᥣᥭᥲ (ᥘᥫᥢ ᥓᥥᥒ – ᥘᥫᥢ ᥐᥥᥒ ) ᥛᥬᥱ ᥝᥢᥰ ᥘᥫᥒ ᥙᥥᥢ ᥝᥢᥰ ᥙᥤ ᥛᥬᥱ ᥖᥭᥰ ᥘᥭᥴ ᥘᥢᥳ ᥐᥨᥢᥰ ᥖᥭᥰ ᥞᥝᥰ ᥐᥧ ᥖᥤ ᥖᥤ ᥕᥤᥙᥴ ᥖᥪᥰ ᥛᥫᥢᥴ ᥐᥢ။ ᥘᥐᥴ ᥘᥤᥲ ᥛᥫᥢᥴ ᥐᥢ၊ ᥙᥤ ᥛᥫᥒᥰ ᥟᥛᥱ ᥛᥫᥢᥴ ᥐᥢ ᥐᥩᥭᥰ။
ᥜᥤᥒᥲ ᥐᥨᥝᥱ ᥓᥥᥒ ᥟᥛᥱ ᥘᥢᥴ ᥘᥐᥴ ᥙᥫᥒ ᥙᥤ ᥛᥬᥱ ᥖᥭᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥜᥤᥒᥲ ᥐᥨᥝᥱ ᥓᥥᥒ ᥟᥛᥱ ᥘᥢᥴ ᥘᥐᥴ ᥙᥫᥒ ᥙᥤ ᥛᥬᥱ ᥖᥭᥰ ᥘᥭᥳ ᥙᥣᥢ ᥛᥫ ᥘᥥᥝ ᥓᥦᥐᥱ ᥝᥭᥳ ᥙᥥᥢ 4 ᥖᥩᥢᥲ -
ᥖᥩᥢᥲ 1 ᥞᥨᥝᥴ ᥖᥥᥰ ᥙᥬᥳ ᥓᥥᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥙᥬᥳ ᥓᥥᥒ ᥙᥩᥒᥱ ᥝᥣ ᥜᥝᥱ ᥞᥙᥳ ᥖᥐᥳ ᥘᥣᥭᥴ ᥞᥣᥒᥲ ᥞᥦᥢᥰ ᥙᥬᥳ ᥞᥙᥳ ᥖᥩᥢᥲ ᥘᥫᥢ ᥓᥥᥒ (ᥘᥫᥢ ᥟᥣᥭᥲ ) ᥘᥬᥰ ᥝᥢᥰ ᥘᥫᥢ 12 ᥘᥙᥴ ᥟᥢ ᥖᥪᥰ ᥐᥛ ᥙᥥᥢ ᥝᥢᥰ ᥔᥤᥒᥲ ᥙᥤ ᥐᥝᥱ။ ᥝᥢᥰ ᥘᥧᥐ ᥙᥤ ᥔᥧᥖᥴ ᥔᥤᥒᥲ ᥕᥝᥳ ᥘᥦᥰ ᥙᥥᥢ ᥝᥢᥰ ᥙᥤ ᥖᥭᥰ ᥔᥤᥒᥲ၊ ᥙᥥᥢ ᥝᥢᥰ ᥞᥙᥳ ᥖᥩᥢᥲ ᥘᥫᥢ ᥓᥥᥒ ᥘᥦᥰ ᥐᥛ ᥚᥩᥒ ᥞᥩᥒᥳ ᥝᥣ ᥝᥢᥰ ᥞᥙᥳ ᥓᥥᥒ (ᥟᥛᥱ ᥘᥢᥴ ) ᥝᥢᥰ ᥙᥬᥳ ᥓᥥᥒ ᥘᥭᥴ ᥕᥝᥳ။ ᥝᥢᥰ ᥘᥫᥢ 12 ᥘᥙᥴ ᥘᥢᥳ ᥟᥩᥢ ᥐᥢ ᥘᥧᥐᥳ ᥓᥝᥳ ᥓᥝᥳ၊ ᥓᥩᥛᥰ ᥘᥒᥱ ᥖᥣᥒᥰ ᥐᥫᥰ ᥕᥛ ᥚᥬᥴ ᥛᥢᥰ ᥔᥥᥴ ᥞᥥᥖᥱ ᥖᥣᥒᥰ ᥘᥤ။ ᥐᥣᥒ ᥝᥢᥰ ᥛᥣᥰ ᥟᥩᥢ ᥐᥢ ᥞᥣᥒᥲ ᥞᥦᥢᥰ ᥞᥥᥖᥱ ᥔᥣᥒᥲ ᥖᥣᥒᥰ ᥐᥤᥢ ᥖᥣᥱ ᥘᥥᥒᥳ ᥘᥧᥴ ᥓᥣᥱ ᥐᥣᥳ ᥛᥫ ᥑᥛ၊ ᥖᥣᥒᥰ ᥐᥤᥢ ᥘᥭᥳ ᥞᥬᥲ ᥙᥥᥢ ᥖᥣᥒᥰ ᥐᥤᥢ ᥖᥭᥰ။ ᥛᥫᥢ ᥘᥒᥱ ᥑᥝᥲ ᥚᥐᥴ၊ ᥑᥝᥲ ᥔᥩᥭᥰ၊ ᥑᥝᥲ ᥔᥥᥢᥲ၊ ᥘᥫᥳ ᥔᥨᥛᥲ၊ ᥗᥨᥝᥱ ᥚᥧᥰ၊ ᥑᥝᥲ ᥙᥧᥐᥴ၊ ᥑᥝᥲ ᥖᥨᥛᥲ ᥐᥨᥭᥲ၊ ᥑᥝᥲ ᥖᥨᥛᥲ ᥘᥦᥛᥴ၊ ᥑᥒᥱ ᥙᥩᥒᥰ ᥓᥫᥰ ᥘᥭᥳ ᥐᥣᥱ ᥐᥛᥰ ᥝᥣ ᥘᥭᥲ ᥙᥩᥒ ᥙᥥᥢ ᥘᥢᥳ ᥚᥩᥛᥳ ᥐᥢ ᥞᥥᥖᥱ။ ᥐᥨᥝ ᥘᥪᥛᥰ ᥘᥣᥭᥰ ᥞᥥᥖᥱ ᥖᥣᥒᥰ ᥐᥤᥢ ᥖᥭᥰ၊ ᥐᥨᥝ ᥘᥪᥛᥰ ᥝᥢᥰ ᥙᥤ ᥛᥬᥱ ᥖᥭᥰ ᥐᥪᥒᥱ ᥘᥤ ᥘᥥᥒᥳ ᥖᥣᥒᥰ ᥐᥤᥢ ᥖᥭᥰ။ ᥛᥫ ᥞᥥᥖᥱ ᥐᥩᥲ ᥙᥨᥝᥰ ᥙᥥᥢ ᥘᥭᥲ ᥞᥬᥲ ᥚᥧᥱ ᥕᥬᥱ ᥔᥩᥢᥴ ᥟᥩᥢ ᥞᥥᥖᥱ။
ᥐᥨᥢᥰ ᥐᥥᥱ ᥙᥥᥢ ᥞᥨᥝᥴ ᥘᥣᥲ ᥔᥪᥙᥱ ᥔᥩᥢᥴ ᥝᥭᥳ ᥙᥢ ᥘᥧᥐ ᥘᥣᥢᥴ ᥟᥢ ᥖᥤᥴ ᥙᥧᥖ ᥖᥦᥢᥰ ᥓᥫᥳ ᥑᥫᥰ ᥐᥣᥱ၊ ᥞᥬᥲ ᥛᥨᥝᥴ ᥞᥥᥖᥱ ᥖᥩᥒᥰ ᥛᥣᥭᥴ ᥝᥭᥳ ᥙᥥᥢ ᥑᥨᥝᥰ ᥑᥩᥒᥴ ᥖᥣᥒᥰ ᥐᥤᥢ ᥖᥭᥰ၊ ᥚᥩᥛᥳ ᥓᥩᥭ ᥗᥦᥛᥴ ᥐᥢ ᥘᥭᥳ ᥙᥥᥢ ᥜᥤᥒᥲ ᥖᥭᥰ ᥟᥢ ᥐᥪᥒᥱ ᥘᥦᥙ "ᥞᥥᥖᥱ ᥞᥫᥢᥰ ᥓᥩᥭ ᥑᥣᥲ၊ ᥞᥥᥖᥱ ᥘᥣᥰ ᥓᥩᥭ ᥔᥩᥛᥲ " ᥘᥢᥳ ᥘᥦᥳ ᥖᥪᥢᥰ ᥘᥤ ᥔᥪᥙᥱ ᥙᥢ ᥘᥧᥐ ᥘᥣᥢᥱ ᥕᥧᥱ ᥖᥥᥳ။ ᥙᥧᥢ ᥖᥣᥱ ᥐᥨᥢᥰ ᥗᥝᥲ ᥐᥥᥱ ᥔᥛᥳ ᥞᥬᥲ ᥟᥩᥢ ᥐᥢ ᥞᥨᥝᥰ ᥘᥤᥐ ᥟᥣᥢᥱ ᥘᥣᥭᥰ ᥛᥥᥝᥰ ᥟᥢ ᥛᥤᥰ ᥑᥨᥝᥲ ᥔᥒᥱ ᥔᥩᥢᥴ ᥞᥬᥲ ᥛᥨᥝᥴ ᥟᥩᥢ ᥐᥢ ᥞᥐᥳ ᥓᥫᥳ ᥓᥫᥳ ᥓᥣᥖ၊ ᥛᥣᥢᥲ ᥛᥫᥒᥰ၊ ᥜᥤᥒᥲ ᥗᥧᥒᥰ၊ ᥘᥤᥐ ᥘᥣᥭᥰ။ ᥐᥨᥢᥰ ᥘᥧᥛᥱ ᥑᥝᥴ ᥓᥫᥰ ᥞᥥᥖᥱ ᥖᥣᥒᥰ ᥐᥤᥢ ᥘᥢᥳ ᥟᥝ ᥛᥫᥰ ᥘᥥᥒᥳ ᥘᥧᥴ ᥓᥣᥱ ᥐᥣᥳ ᥐᥨᥢᥰ ᥗᥝᥲ ᥓᥫᥰ ᥞᥨᥝᥰ ᥘᥤᥐ ᥚᥖᥴ ᥗᥛᥰ၊ ᥕᥣᥛᥰ ᥘᥒᥱ ᥘᥢᥴ ᥐᥨᥢᥰ ᥗᥝᥲ ᥖᥤᥴ ᥘᥭᥲ ᥑᥭ ᥘᥥᥴ ᥙᥢ ᥘᥩᥒ ᥜᥤᥒᥲ ᥗᥧᥒᥰ၊ ᥐᥣᥢ ᥓᥫᥳ ᥓᥣᥖ၊ ᥑᥨᥝᥰ ᥑᥩᥒᥴ ᥐᥝᥱ ᥘᥩᥢᥳ ᥞᥝᥰ။ ᥖᥥᥴ ᥘᥭᥲ ᥛᥨᥝᥴ ᥔᥒᥱ ᥔᥩᥢᥴ ᥘᥩᥒ ᥙᥢ ᥞᥦᥒᥰ ᥞᥖᥴ ᥞᥣᥢᥴ၊ ᥞᥣᥴ ᥘᥣᥭᥰ ᥑᥪᥢᥲ ᥔᥣᥒᥳ ᥑᥪᥢᥲ ᥔᥧᥒᥴ၊ ᥖᥥᥴ ᥘᥭᥲ ᥛᥨᥝᥴ ᥑᥭ ᥘᥥᥴ ᥘᥩᥒ ᥙᥤ ᥛᥬᥱ ᥖᥭᥰ၊ ᥘᥩᥒ ᥙᥐᥴ ᥕᥥᥛᥲ ᥝᥢᥰ ᥖᥭᥰ၊ ᥘᥩᥒ ᥖᥭᥰ ᥔᥛᥰ ᥘᥣᥭᥰ၊ ᥘᥩᥒ ᥔᥫᥐ ᥑᥫᥰ ᥞᥫᥢᥰ ᥓᥫᥰ ᥘᥭᥳ ᥐᥣᥱ ᥟᥢ ᥐᥙᥴ ᥐᥣᥭᥱ ᥘᥨᥭ ᥘᥩᥒ ᥖᥭᥰ ᥘᥦᥳ ᥓᥫᥳ ᥑᥫᥰ ᥖᥭᥰ။
ᥘᥫᥢ 12 ᥘᥙᥴ ᥘᥭᥳ ᥐᥖᥴ ᥓᥤ၊ ᥖᥥᥴ ᥘᥭᥲ ᥙᥬᥳ ᥙᥤ ᥛᥬᥱ ᥖᥨᥝᥱ ᥗᥪᥒᥴ ᥖᥥᥒ ᥑᥪᥢᥰ ᥓᥣᥭᥳ ᥕᥥᥙᥱ ᥑᥝᥲ ᥙᥤ ᥛᥬᥱ ᥘᥦᥳ ᥟᥛᥱ ᥔᥬᥱ ᥜᥭᥰ ᥟᥩᥛᥱ ᥘᥢᥳ ᥖᥥᥴ ᥟᥛᥱ ᥙᥥᥢ ᥘᥭᥲ။ ᥔᥬᥱ ᥛᥧᥐᥳ ᥜᥭᥰ ᥕᥬᥱ ᥞᥬᥲ ᥘᥧᥐᥳ ᥟᥩᥢᥱ ᥐᥨᥢᥰ ᥘᥧᥛᥱ ᥐᥨᥢᥰ ᥑᥣᥝᥳ ᥟᥩᥛᥱ ᥟᥧᥢᥱ ᥛᥨᥢ ᥘᥨᥭ ᥐᥢ။ ᥘᥧᥐ ᥟᥩᥢᥱ ᥘᥧᥛᥱ ᥑᥝᥴ ᥞᥩᥒᥳ ᥑᥣᥛᥰ ᥐᥣ ᥛᥨᥢ ᥙᥬᥳ ᥞᥙᥳ ᥓᥥᥒ။
ᥖᥩᥢᥲ 2 ᥙᥣᥭᥲ ᥓᥥᥒᥲ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥙᥣᥭᥲ ᥙᥥᥢ ᥑᥣᥛᥰ ᥖᥭᥰ ᥛᥩᥢᥴ ᥙᥩᥒᥱ ᥝᥣ ᥐᥩᥛᥰ ᥝᥭ၊ ᥙᥣᥭᥲ ᥓᥥᥒ ᥓᥒᥱ ᥙᥩᥒᥱ ᥝᥣ ᥑᥣᥛᥰ ᥝᥭ ᥐᥣᥱ ᥘᥣᥱ ᥝᥣᥳ ᥘᥙᥳ ᥕᥛ ᥘᥫᥢ ᥓᥥᥒ (ᥘᥫᥢ ᥟᥣᥭᥲ ) ᥟᥢ ᥙᥥᥢ ᥘᥫᥢ ᥞᥨᥝᥴ ᥖᥥᥰ ᥘᥬᥰ ᥙᥤ ᥛᥬᥱ ᥐᥧ ᥙᥤ ᥙᥤ။ ᥝᥢᥰ ᥘᥫᥢ ᥓᥥᥒ ᥛᥬᥱ 1 ᥑᥛ ᥘᥭᥳ ᥛᥫ ᥐᥩᥢᥱ ᥖᥥᥳ ᥛᥤᥰ ᥐᥣᥢ ᥑᥪᥢᥲ ᥙᥢ ᥗᥣᥱ ᥢᥣᥳ ᥖᥣ ᥑᥧᥢᥴ (ᥑᥪᥢᥲ ᥕᥣᥱ ᥗᥧᥰ ) ᥖᥤ ᥐᥨᥢᥰ ᥞᥣᥙᥱ ᥐᥣᥢ ᥑᥧᥢᥴ ᥛᥫᥒᥰ ᥑᥝᥴ၊ ᥛᥤᥰ ᥐᥣᥢ ᥛᥩᥙ ᥘᥣᥒᥰ ᥝᥣ ᥘᥣᥰ (ᥔᥧᥰ ᥚᥩᥢᥰ ᥐᥣᥢ ) ᥖᥤ ᥚᥧᥱ ᥞᥥᥖᥱ ᥐᥣᥢ ᥘᥤ ᥓᥩᥭ ᥜᥤᥒᥲ ᥐᥨᥢᥰ (ᥓᥩᥭ ᥖᥨᥒᥱ ᥝᥨᥒᥰ ᥐᥨᥢᥰ )။ ᥙᥣᥢ ᥛᥫ ᥘᥥᥝ ᥔᥛᥳ ᥙᥩᥖᥴ ᥘᥬᥴ ᥗᥩᥛᥱ ᥘᥤᥐ ᥟᥢ ᥙᥥᥢ ᥑᥣᥛᥰ ᥔᥩᥢᥴ ᥓᥩᥛᥰ ᥐᥣᥙ ᥙᥣᥢ၊ ᥟᥥᥐᥱ ᥖᥒᥰ ᥛᥤᥰ ᥙᥣᥒ ᥟᥧᥙᥱ ᥟᥨᥝᥰ (ᥔᥛᥴ ᥛᥣᥱ ᥢᥣᥰ ) ᥐᥢ ᥟᥢ ᥐᥥᥝᥱ ᥘᥨᥭ ᥘᥤᥐ ᥘᥣᥭᥰ -ᥜᥤᥒᥲ ᥒᥥ -ᥞᥤᥖ ᥞᥩᥭᥰ ᥘᥬᥰ ᥖᥨᥒᥱ ᥝᥨᥒᥰ ᥐᥨᥢᥰ ᥑᥫᥰ ᥖᥨᥝ ᥐᥝᥱ ᥓᥩᥛᥰ ᥖᥤ ᥘᥬ ᥖᥤ ᥘᥢᥳ။
ᥖᥩᥢᥲ 3 ᥐᥤᥢ ᥓᥥᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥐᥤᥢ ᥓᥥᥒ ᥙᥩᥒᥱ ᥝᥣ ᥑᥙ ᥑᥪᥒᥴ ᥘᥥᥒᥳ ᥑᥝᥲ ᥚᥐᥴ ᥖᥣᥒᥰ ᥐᥤᥢ ᥚᥧᥱ ᥗᥝᥲ ᥐᥨᥢᥰ ᥐᥥᥱ ᥘᥦᥳ ᥙᥤ ᥘᥩᥒᥳ ᥔᥣᥭᥴ ᥑᥫᥰ ᥖᥒᥰ ᥘᥣᥭᥴ ᥟᥢ ᥛᥤᥰ ᥖᥒᥰ ᥑᥝᥲ ᥖᥨᥛᥲ ᥘᥦᥛᥴ၊ ᥑᥝᥲ ᥙᥧᥐᥴ(ᥑᥝᥲ ᥖᥛ ᥒᥣᥰ )ᥘᥦᥲ ᥑᥝᥲ ᥕᥣᥱ ᥐᥧ (ᥑᥝᥲ ᥘᥛᥳ ᥟᥩᥭᥲ )၊ ᥞᥨᥛ ᥖᥒᥰ ᥜᥤᥒᥲ ᥔᥣᥴ ᥔᥣ ᥢᥣᥰ ᥟᥢ ᥓᥝᥲ ᥐᥝᥱ ᥐᥫᥰ ᥘᥤ ᥞᥣᥒᥰ ᥚᥬᥴ ᥞᥒᥰ ᥛᥢᥰ ᥘᥬᥰ ᥝᥢᥰ ᥙᥤ ᥛᥬᥱ ᥛᥫ ᥘᥫᥢ ᥓᥥᥒ (ᥘᥫᥢ ᥟᥣᥭᥲ )။
ᥖᥩᥢᥲ ᥘᥪᥢᥰ ᥔᥧᥖᥴ ᥟᥥᥢᥲ ᥓᥥᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥟᥥᥢᥲ ᥓᥥᥒ ᥙᥩᥒᥱ ᥝᥣ ᥞᥥᥖᥱ ᥙᥩᥭᥰ ᥟᥧᥢᥱ ᥒᥣᥢᥰ (ᥙᥩᥭᥰ ᥛᥨᥢ ᥔᥫᥰ ) ᥘᥬᥰ ᥕᥣᥛᥰ ᥐᥣᥒ ᥑᥛ ᥐᥣᥒ ᥑᥪᥢᥰ ᥔᥥᥴ ᥓᥨᥛᥰ ᥔᥫᥰ ᥞᥙᥳ ᥖᥩᥢᥲ ᥙᥤ ᥛᥬᥱ၊ ᥔᥨᥒᥱ ᥔᥒᥱ ᥙᥤ ᥐᥝᥱ ᥓᥫᥒᥳ ᥘᥒᥱ - ᥞᥥᥖᥱ ᥑᥣᥛᥰ ᥞᥩᥒᥳ ᥛᥣᥐᥱ ᥐᥢ - ᥐᥣᥲ ᥘᥨᥐᥳ -ᥐᥣᥲ ᥖᥨᥝᥰ - ᥐᥣᥲ ᥛᥨᥢ ᥟᥥᥢᥲ ᥘᥣᥭᥰ ᥓᥫᥒᥰ ᥓᥥᥛ ᥓᥫᥰ ᥘᥭᥳ။
-"ᥓᥝᥲ ᥟᥛᥱ ᥕᥩᥒᥲ ᥑᥩᥒᥴ ᥟᥛᥱ ᥐᥣᥲ ။ ᥜᥤᥒᥲ ᥐᥨᥢᥰ ᥑᥫᥰ ᥖᥨᥝ ᥐᥝᥱ ᥙᥨᥝᥰ ᥖᥨᥝ ᥐᥝᥱ ᥟᥛᥱ ᥕᥩᥒᥲ ᥟᥛᥱ ᥙᥬᥳ ᥙᥣᥰ ᥟᥛᥱ ᥔᥪᥙ ᥚᥥ ᥖᥫᥢᥰ ᥖᥤᥴ ᥕᥥᥢᥰ ᥙᥥᥢ ᥔᥤᥒᥱ ᥑᥩᥒᥴ ᥟᥢ ᥟᥛᥱ ᥛᥤᥰ ᥐᥣ ᥑᥢᥴ ᥘᥬᥰ ᥝᥢᥰ ᥘᥣᥲ "-
ᥙᥫᥒ ᥟᥤᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥘᥣᥲ ᥘᥤᥐ ᥝᥦᥙᥳ ᥔᥣᥭᥳ ᥙᥣᥒ ᥘᥨᥒᥴ