ᥙᥣᥒ ᥔᥩᥢᥴ ᥘᥣᥭᥰ ᥖᥭᥰ ᥗᥝᥲ ᥛᥫ ᥙᥤ 2024 ᥙᥤ ᥟᥪᥒᥱ ᥖᥬᥲ ᥑᥨᥒᥰ
ᥘᥣᥭᥰ ᥖᥭᥰ ᥓᥧᥛᥰ ᥘᥧᥛᥰ ᥝᥤᥖ ᥓᥣᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ ᥙᥩᥒ ᥞᥥᥖᥱ ᥐᥣᥢ ᥔᥩᥢᥴ ᥘᥣᥭᥰ ᥖᥭᥰ ᥗᥝᥲ ᥗᥪᥒᥴ ᥖᥤ ᥙᥩᥒ ᥞᥥᥖᥱ ᥞᥦᥴ 15 ᥝᥢᥰ ᥑᥣᥝᥰ 2 ᥝᥢᥰ ᥙᥨᥢᥳ ᥘᥢᥳ ᥑᥩᥖᥱ ᥔᥣᥰ. ᥓᥫᥝ ᥓᥫᥢᥱ ᥔᥥᥲ ᥖᥣᥒᥰ ᥓᥧᥰ ᥔᥥᥲ ᥡᥫᥢᥳ ᥕᥦᥢᥳ ᥘᥤᥲ ᥓᥧ ᥓᥣᥒᥰ ᥑᥨᥭᥱ ᥓᥣᥒᥰ ᥘᥬᥰ ᥘᥧᥛᥰ ᥝᥤᥖ ᥓᥣᥱ ᥟᥣ ᥛᥥᥝᥰ ᥖᥭᥰ ᥖᥬᥲ ᥑᥨᥒᥰ ᥘᥤᥰ ᥔᥤᥲ ᥐᥣᥱ ᥖᥫᥳ ᥑᥝᥲ ᥙᥣᥒ ᥟᥥᥐᥱ ᥔᥛᥳ ᥑᥩᥖᥱ ᥔᥦᥰ. ᥘᥧᥐ ᥛᥫ 2022 ᥙᥤ ᥛᥣᥰ ᥘᥭᥳ ᥘᥩᥒ ᥔᥩᥢᥴ ᥘᥣᥭᥰ ᥖᥭᥰ ᥗᥝᥲ ᥙᥨᥝᥰ ᥙᥩᥒ ᥞᥥᥖᥱ ᥘᥭᥲ ᥛᥣᥰ 3 ᥙᥧᥖ ᥞᥝᥳ. ᥐᥣᥢ ᥔᥩᥢᥴ ᥘᥥᥴ ᥙᥩᥐ ᥘᥭᥳ ᥗᥪᥒᥴ ᥖᥤ ᥓᥨᥝᥰ ᥓᥣᥰ ᥘᥣ ᥞᥦᥢᥰ ᥐᥧ ᥙᥣᥲ ᥐᥧ ᥚᥣᥭᥱ ᥖᥨᥝ ᥓᥣᥛᥱ ᥘᥭᥲ ᥙᥥᥢ ᥘᥩᥒ ᥙᥥᥢ ᥚᥧᥰ ᥘᥨᥒᥴ ᥘᥣᥒᥴ . ᥗᥪᥒᥴ ᥖᥤ ᥓᥨᥝᥰ ᥓᥣᥰ ᥔᥩᥢᥴ ᥘᥥᥴ ᥞᥦᥴ 10 ᥙᥣᥭ ᥝᥢᥰ ᥐᥨᥝᥳ ᥜᥫᥐᥱ ᥖᥒᥰ ᥘᥣᥭᥴ ᥙᥨᥝᥰ ᥛᥨᥝᥴ ᥚᥖᥴ ᥛᥨᥝᥴ ᥖᥦᥛᥲ ᥞᥝᥳ . ᥘᥛᥳ ᥐᥖ ᥖᥣᥒᥰ ᥔᥧᥒᥴ ᥖᥨᥝ ᥘᥭᥲ ᥕᥨᥐ ᥔᥧᥒᥴ ᥛᥣᥰ ᥘᥣᥭ ᥘᥣᥭ ᥙᥨᥝᥰ ᥑᥪᥖ ᥗᥪᥒᥴ ᥖᥣᥒᥰ ᥛᥣᥭᥴ ᥟᥢ ᥞᥝᥰ ᥟᥣᥒᥲ ᥘᥢᥳ . ᥘᥤᥰ ᥔᥤᥲ : ᥘᥥᥴ ᥞᥬᥲ ᥐᥨᥢᥰ ᥓᥫᥰ ᥛᥣᥰ ᥑᥣᥰ ᥓᥣᥰ ᥘᥢᥳ ᥐᥧ ᥐᥨᥝᥳ ᥔᥧᥲ ᥓᥨᥝᥰ ᥓᥣᥰ ᥐᥧᥛᥰ ᥐᥨᥝᥱ ᥗᥦᥢᥲ ᥕᥬᥰ ᥕᥬᥰ ᥞᥬᥲ ᥘᥤᥐ ᥑᥫᥐ ᥘᥣᥭᥰ ᥐᥣ ᥞᥝᥰ ᥔᥩᥢᥳ ᥔᥪᥙ ᥐᥣᥱ ᥕᥬᥰ ᥕᥬᥰ ᥐᥩᥙ ᥞᥬᥲ ᥘᥤᥐ ᥘᥣᥭᥰ ᥞᥝᥰ ᥞᥪᥒᥰ ᥗᥣᥰ ᥞᥥᥖᥱ ᥟᥩᥐᥱ ᥘᥩᥒ ᥟᥣᥙ ᥔᥣᥐ ᥛᥣᥰ . ᥕᥧᥱ ᥘᥬᥰ ᥙᥣᥒ ᥑᥩᥖᥱ ᥔᥣᥰ ᥘᥢᥳ ᥐᥨᥝᥳ ᥜᥫᥐᥱ ᥖᥒᥰ ᥘᥣᥭᥴ ᥔᥛᥳ ᥕᥒᥰ ᥙᥩᥒ ᥞᥥᥖᥱ ᥘᥩᥒ ᥞᥨᥝᥰ ᥚᥖᥴ ᥘᥤᥐ ᥗᥝᥲ ᥞᥩᥒᥳ ᥑᥣᥛᥰ ᥛᥣᥐᥱ ᥙᥝᥱ ᥙᥤᥱ ᥘᥛᥳ ᥖᥝᥲ ᥖᥣᥢᥲ ᥑᥣᥛᥰ ᥐᥙᥴ ᥗᥧᥐᥴ ᥖᥒᥰ ᥖᥦᥛᥲ ᥖᥨᥝ ᥘᥣᥭᥰ ᥓᥫᥰ ᥘᥭᥳ . ᥚᥧᥱ ᥑᥨᥭᥱ ᥓᥣᥒᥰ : ᥔᥤᥱ ᥟᥣᥭᥲ ᥙᥝᥰ ᥕᥤᥢᥳ ᥙᥝᥰ ᥡᥦᥒᥲ ᥘᥤᥲ ᥔᥧ ᥓᥣᥒᥰ ᥓᥪ ᥓᥪᥱ ᥛᥤᥢᥳ ᥖᥒᥰ ᥛᥨᥝᥴ ᥔᥩᥢᥴ ᥡᥣᥭᥱ ᥔᥦᥝᥰ ᥑᥩᥒᥱ ᥑᥝᥴ ᥓᥫᥰ ᥘᥭᥳ ᥐᥣᥱ ᥖᥫᥳ ᥑᥝᥲ ᥙᥣᥒ ᥑᥩᥖᥱ ᥔᥣᥰ ᥟᥥᥐᥱ ᥔᥛᥳ ᥟᥝ ᥘᥣᥭᥰ ᥘᥣᥐ ᥛᥣᥖ ᥓᥤᥲ ᥕᥥᥲ ᥜᥣᥲ ᥞᥬᥲ ᥐᥨᥝᥳ ᥜᥫᥐᥱ ᥖᥒᥰ ᥘᥣᥭᥴ . ᥐᥨᥝᥳ ᥜᥫᥐᥱ ᥖᥒᥰ ᥘᥣᥭᥴ ᥖᥨᥝ ᥟᥩᥢ ᥐᥢ ᥙᥦᥰ ᥘᥥᥴ ᥝᥣ ᥙᥩᥐ ᥘᥭᥳ ᥛᥣᥰ ᥑᥣᥰ ᥓᥣᥰ ᥖᥨᥝ ᥜᥫᥐᥱ ᥞᥥᥢᥰ ᥘᥭᥲ ᥘᥛᥴ ᥖᥥᥳ ᥖᥥᥳ ᥘᥧᥐ ᥘᥭᥳ ᥐᥣᥱ ᥐᥩᥙ ᥞᥬᥲ ᥘᥤᥐ ᥘᥣᥭᥰ ᥖᥭᥰ ᥞᥝᥰ ᥔᥩᥢᥳ ᥔᥪᥙ ᥖᥨᥐᥱ ᥐᥣᥱ ᥖᥤᥴ ᥐᥣᥱ ᥓᥨᥝᥰ ᥓᥣᥰ ᥕᥣᥙᥱ ᥞᥥᥖᥱ ᥕᥣᥙᥱ ᥙᥩᥒ.
中文 德宏州傣学学会2024年老傣文培训班圆满结业 7月9日，历时15天的德宏州傣学学会2024年老傣文培训班圆满结业。州政协党组成员、秘书长、州傣学学会会长李奇出席结业仪式并讲话。 李奇指出，自2022年以来，德宏州傣学学会连续举办了三期老傣文培训班，得到了党委、政府和各级领导的大力关心支持，并给予培训经费保障，确保了培训班顺利举办。 李奇强调，此次培训准备充分、组织有力，学风端正、成效明显，经过半个月的学习培训，学员们学会了识字阅读，进一步了规范拼写方法，老傣文学习及应用水平有了较大的提高，培训总体效果达到了预期目标。 李奇要求，要持续巩固和深化学习成果，全面提升老傣文的应用水平，推动老傣文知识在各个领域得到广泛而有效的应用，充分激发傣文化的新活力；要充分发挥传承人的作用，积极推广傣族优秀传统文化，传播老傣文知识，助力傣文化的传承与弘扬，为中华文化的繁荣和文明交流互鉴作出积极贡献。 结业仪式上，学员们通过唱诵傣族经典文学、唱山歌、葫芦丝演奏、傣语快板、傣文书法等方式进行了精彩的汇报表演，展示了15天以来取得的学习成果。 学员表示，此次培训受益匪浅，不仅掌握了老傣文知识，更让他们深刻感受到了傣族文化的博大精深，今后将把所学知识运用到实际生活中，为傣族文化的传承与发展贡献自己的力量。 副会长郗岩保、银保强，秘书长思治明等学会领导及老傣文培训班授课教师蔡小晃出席结业仪式，并为学员颁发结业证书。